هنا

[Samer]

مرحبا .. بعد ما سويت موقع خاص بالدراسة خارج العراق على هذا الرابط:

الدراسة خارج العراق 2013-2014

حبيت انه اخللي موضوع بالمنتدى لمساعدة اللي عدهم اسئلة حول الموضوع علمود اجاوبه اني او اي شخص عنده معلومات بهذا الجانب

غير المسجلين اللي يوصلون لهذا الموضوع من موقع الدراسة ، يحتاج انه يسجل بدرر العراق عبر رابط التسجيل (من اعلى الصفحة) و بعد ما يخلص تسجيله ويفعل عضويته يجي يكتب رد بهذا الموضوع يطرح بيه سؤاله و ينتظر الإجابة

بانتظار الاسئلة .. تحياتي

[محمد العطواني]

[Suzana]

شكراسامر

[هدوء الكون]

شكراا سامر عل مجهود

[Abbas Dohy]

موقع رائع ومتكامل التوفيق يا رب

[prïnċë häïdër]

عاشت ايدك سامر .. وشكرا لجهودك المميزة

[Mustafa_silent]

السلام عليكم ورحمة الله وبركاتهُ
اول شي المنتدى روعة وكلش حلو وعاشت الايادي عليه
وبالاخص منتدى الدراسة في الخارج يعني جنت اجهل هواية شغلات عرفتها منا

[Samer]

أخ Mustafa_silent

كون جامعة UPM هي الافضل باختصاصك، هذا الشي تكدر تعرفه من خلال تصفحك لموقع الجامعة، شوف الكلية الفرعية اللي بيها اختصاصك، شوف الاقسام والتخصصات اللي بيها، و شوف الاساتذة الموجودين .. و شوف عنوانات اطروحاتهم ، راح تبين إذا فعلا افضل لو لا

مثلا لو تسألني على اختصاص الحاسوب، اكللك هي بالفعل افضل جامعة ، بس بباقي الاختصاصات ما ادري، على اي حال، هي تعتبر من الجامعات القوية بالاضافة طبعا إلى كونها حكومية

التوفل .. هو امتحان امريكي مو بريطاني .. ممكن حضرتك تقصد الـ IELTS البريطاني، على اي حال .. تحصل هذا او هذا بدرجة معينة كافي انه تدخل الدراسة هناك مباشرة بدون تأخير

اذا رحت لماليزيا بدون ما عندك شهادة توفل او ايلس (بدرجة معينة) ، راح تدخل كورس لغة تمهيدي قبل الدراسة يستمر 6 اشهر بعدها تباشر بالدراسة

[Mustafa_silent]

شكرا للمعلومات اخي
بخصوص التوفل تنصحني اكمل بالعراق لو من اروح امتحن هناك ؟ وبالنسبة لاماكن امتحان التوفل عندك معلومات وين ؟ لان التوفل اللي بالجامعات العراقية ممعترف بي بغير دول اكون ممنون :)

[Samer]

شكرا للمعلومات اخي
بخصوص التوفل تنصحني اكمل بالعراق لو من اروح امتحن هناك ؟ وبالنسبة لاماكن امتحان التوفل عندك معلومات وين ؟ لان التوفل اللي بالجامعات العراقية ممعترف بي بغير دول اكون ممنون :)

مرحبا

احد مراكز التوفل المعتمدة هو مركز التوفل بـ (تربية ابن رشد) بباب المعظم، و اكو مركزين آخرين ببغداد بعد معترف بيهم

اذا عندك القدرة انه تمتحن هنا و تحصل درجة اكثر من 500 او اكثر من 550 ليش لعد ، علمود تخلص من كورسات اللغة، (6 اشهر أو اكثر) ، و اذا ما تكدر تروح هناك علمود تتأقلم وية الانكليزي و تدخل كورس لغة متخصص