جنت مااسوي اي شي من وراه لو اموت
يدري شسوه جدمي وصدري والهامه
اسئلوه عالنفس من دخل صدري شلون
وراه شميته لو شميته كدامه
اذا كلكم وراه كل النفس مرجوع
كولوله قبل تشرف على اعدامه
هنياله الترك بصمه بجسم محبوب
يذكرالــه اصبع طـــبعه ابهـــامه
بس المثلي من يذكر حبيبه شلون
اذا ناحت جفوفه بعظم بعظامه
يجي وكت البجي ماادري ابجي منين
فرس وني اعله موودك حال الجامه
تهد ذكــــراك بس ماادري اهد ابيش
العاشك مو سبع بس دمعه بحزامه
ذكرني بيا وكت بالصبح لو بالليل
اشتهيت اعرف لان ماامر باحلامه
ولو مااثق اذا يندك بوجهه المـــيل
ويحدد ابيش الساعه بايامـــه
عفت وهواس بيه ابليس ميخليه
ولاعاش الاحسه انسان بوهامه
اعله وجهك انسئل بس اكلب الموضوع
وارد الكه بــكفه الموضوع الك شامه
وانه جنت بشجرتك عمرت عمرين
طحت واستهضمتها بطيحتي استعجال
ومن مرني الهوه شتتوقع اشسويت
حتى اثبت عشرتك منها ابد مامال
اجاني اتكلبت بس جنها هزة ايــد
لحد ماكال مااطيرها بيها اشكال
وانه ماهمني جفك بالحجي اتاذيت
اون واختنك ويعدي الحجي الينكال
فض سوالفك حجيك هواي يعيل
كض شفايفك لو حط عليها اعكال
انه غاسل الجلمه بمي ذهب للناس
لمسامعهم يطب وي الحرف مثقال
ترخصني وبعدني اخذ رخصتك ليش؟
لو حبل الكرامه انكطع سبع اوصال
نخلت الطاح منك مانخلت البيك
الي من الوكع فد شي ابد ماظال
الوفه لبسة ذهب لو حجل لو جلاب
لو عالراس لو وي الرجل ينشال
عنده العيد موعد طيحتي اعله الكاع
ومتانيني اهل واعلن افلاس الحال
بس حبيت اذكره وحتى ماينساش
انه كـــمريه عاجر ماتجيب اهلال
الدخلو كلبك كثر مدري اليطلعون
مدري الكلب مايدري انته بي شخال
لمن مال شوكـــك ماملت ظلــــيت
عيب اثنينه المفروض واحد مال ....
رد مع اقتباس
