هنا

[مغلق]

والله موادعك ينراد احضر بي
وبساعتها كون انطيت الك حكه
اكظ درب النجف عالرايح وعالراد
واسال كل جنازه بلهفه وبحركه
انه محتاج ماعدكم موادع زين
اتنومس بيه كون بساعه الفركه
وارد منهم وادور كل محطه وريل
يم رمل السجج من تنتهي الرفكه
اجيبن حضنه مسافر عليك تلوك
كون تناسبك وتصير الك شبكه
بالك مثل شجره مخضره يم البيت
بس الجذر يم غيري اندفن عركه
يالماعفت خاطر حته اكسره اعليك
اكلفمن يدور خاطر ويلكه
يالمغير حمار الخد حمار عيون
كالو ملتهي مافاضي الك خلكه
وي غيرك تطول اسوالفه ومينام
وسواليفه الالك تتثاؤب بحلكه
يالتكتب الذكرى اعله الهوى منيفوت
كلت بداخلي هذا شكبر عشكه
بس اعرفت قصدك حتى ما انساك
ابقى اتذكرك بالنفس و اللشهكه
ولاتحتاج تصدك بالكلام وياي
تتعب ليش نفسك جذبك مصدكه
انه لو جرحي يم اخوان يوسف جان
جا بي طاح يوسف من كثر غمكه
البارد كلبه لو احطه بسواتر نار
جا طلع ثلج مو جيله بالتفكه
البارد كلبه لو يشتم عذيبي الهور
جا فك زر قميصه وكال شو خنكه
بس لا هم بعد بلكت رجى يوديك
واحضرلك درب بي ملكه من ملكه
تتحسف اذا تطبك عيونك بيه
دك نظره بوتد لو شوفك تعلكه
بس انته اعله بختك كلشي ماسويت
مالاكيتني بجلمه هلا وصفكه
ولاخليت خطوه لجدمي يمشي وياك
حتى بكفى خيالك زحمه ماالكه
بعد مااخاف لو مثل الخريف تفوت
تهزهز جذعي ليش اهتم على الوركه

[زين المواسي]

روعة