هنا

[مغلق]

تستاهل واتمنالك انه الخير
صح فرصه مثلهه من الصعب تلكه
خلي اذنك على صدري سمعت الصوت
تسمع فرح كلبي تسمع الصفكه
بقى عندي فرح زايد حرام ايضيع
مر اخذه بطريقك ساعه الفركه
بي تلكه ابتسامه تلكه ضحكه بصوت
انت اداخل بروحي بكيفك استنكه
انه هسه الفرح بالروح ما محتاج
مايحتاج فرحه النوخذ حكه
ولو راح الشماته ابعدك يفرحون
وتفز الوجوه الجانب مدنكه
ولو راح اذبل والكاك نسمه موت
تاخذ بالخريف من الغصن وركه
بعد حتى من اغني اجفوف اليسمعون
تهتز هزه ايد الما الك خلكه
من ايدي الخاليه راح اتعرفني الناس
ومبين عليه ويالحزن رفكه
دليني الهوى من تروح وين الكاه
بدونك نفسي ضيك والارض خنكه
كالولي اخذ طوق النجاه وياك
موج الشوك عالي اليتعب يغركه
وابد مافكلرت يمته اوصل اعله الراك
بس شكد حلمت بروجه الملكه
اجيتك مطمئن جيه شراره لماي
يفتك باب شكي ولهفتي اتطبكه
على لحظه وشفت نظره اعيونك ثار
وشفت الورده بيدك تنكلب تفكه
وكع من ك وجه بس انت عندك خير
اليدور بوجهك جم وجه يلكه
ردتك تكعد اتصفي الظنون وياي
ياظن النعوفه وياهو النشكه
واشطب ياحلم خل نفرض او جزيت
من راحات اديه اشيمسح الشبكه
كلشي من رحت ظل عكبك بلا لون
حتى الغيم الابيض والسمه الزركه
رجعت اضحك على سنيني الكضن وياك
وعيون الشماته بفرحتي امصدكه
شافوا ماي بيدي اتوقعوني اسكيك
ما يدرون اطفي بشجره محتركه

[حسين الصافي]

تســـتاهل !