هنا

[ناصر اسماعيل الموزاني]

{ما...مر صبح}
مامر صبح
والليل بهمومه وكح
يردح ردح
ماله درب
نيرانه تحركَ بالكَلب
والجرح..
ينزف ع الجرح
والفرح ويّاي بحرب
صالحته ..
ما..يرضه الصلح
وأنته بغيابك مبتهج
وأعصابك بسلة ثلج
وآنه ألتهب
حته الصبر..
الصبر صاير مايصح
كلماتك ووعدك كذب
شيدت بوعودك قصر
ما ينعرف لغزك صعب
مثل الاهرامات بمصر
نظراتك محمله أسرار
خطواتك محمله اسرار
أفعالك محمله أسرار
بضلوعي أحسنك رمح
دوّرت آللاف الكتب
ما بين إللغزك شرح
كَالولي مايك...
من نهر
ضكَته وطلع...
مايك بحر
محمل وغاركَ بالملح
دليني نهجك يا نهج
دليني يالمشيك غنج
بطبعك دخت
طير وطحت
ضايع ومكسور الجنح
ما مر صبح
والليل بهمومه وكح
....
كلمات

ناصر اسماعيل الموزاني

[كبريائي قاهرهم]

روعة
عاشت الايادي
على روعة هذه الكلمات
صح السانك اخوية العزيز
لا حرمنا بديع القادم من جديدك
ودي وتقديري لحضرتك

[علی]

سلمت یداک اخی ناصر للکلمات الرائعه

[ذُوألـفَقـار]

كلش حلوه والله
عاشت ايديك

[ناصر اسماعيل الموزاني]

روعة
عاشت الايادي
على روعة هذه الكلمات
صح السانك اخوية العزيز
لا حرمنا بديع القادم من جديدك
ودي وتقديري لحضرتك

شكرا لمرورك لك كل الورد