أجيب منين مثلك وانت رحت بعيد
منو مثلك وأجيبه منين بس انته

عكَب ما عشكَــك كَلبي وصرت نبض البيه
طفل مابي صبر ليش يتمته

ما بيه انه أعاشر وأبدي من جديد
وليش أبدي بعد وأنت العشكَـ خنته

لا غزر موافه ولا تعب لا طيب
كَلت بالضيج أعينك جا بعد يمته

مو دوم أحجي انه وحجي ما مسموع
تكَله اكو وفي مرات بالسكَته

مو طيب كَلب مو ذاك حالي وياك
كَلب ثاني جبت ذاك الكَلب عفته

إشفت منه كَبل كَلبي وأظل أعليه
إذا كل الجروح تهيج من دكَته

أنتهت قصة عشكَنه وكَمت انام الليل
إنست ذيج الجروح وكل جرح عفته

بدت صفحه جديده بلايه حب وضيم
فرمتت الكَلب صدكني فرمته

راقت لي