المشاركة الأصلية كتبت بواسطة محمد الساري
فد يوم من الايام جنت توني جاي للبيت و راجع من النادي الترفيهي( براس الدربونة )
اول مدخلت للبيت جتي بت جيرانة الصغيرونة بعده 3 سنوات وخدوهة اكس لارج
المهم جتي بت جيرانة الصغيرونة علية تبجي
كتلهة شبيج منو بجاج كلتلي البزونة خطفت لعابتي باربي
اني دورت على البزونة جان لكيتهة دتركض
تريد تشلع اني خنزرت عليهة ورحت ركبت سيارة الفيراري مالتي (هوة بايسكل ابو 3 جروخ)
وادوسة ورة البزونة و جان البزونة همين ركبت السيارة مالتهة و داستهة وبدت عملية المطاردة بيني وبين البزونة و ضليت امشي وراها 8 ساعات (عبالك داطارد اسامة بن لادن)
المهم اني ضجت رأسا خابرت اصدقائي عدهم طيارات نفاثة
اجتي الطيارات النفاثة ورة البزونة وضربوهة صورايخ
بس بزونة ام سبع وسبعين روح (لازمة مقاولة مال ارواح)
اني هم عفت الفيراري وركب الاباتشي مالتي واطير فوكاهة وبعدني ورة البزونة
وبعدين جان اطلع البي كي سي من الاباتشي وركع على البزونة
وطططططة ططططططة طططططة وططططة
والنتيجة فش التاير مال سيارة ونزلت البزونة تركض (سويت زحمة خخخخ)
جان اقفز من الاباتشي على البزونة وركع بوكسيات وجلاليق
وأجوي جماعتي وياية وكلنا على البزونة و وضلينا نتعارك شكم يوم
المهم بالنهاية البزونة شبعتنة بسط بس مادري شلون جلبت باللعابة وعرتت بيهة والحمد لله بالموت حصلتهة وركبت الاباتشي وشلعت وأطيت اللعابة لبت جيرانة الصغيرونة
وعاشوا عيشة سعيدةوالله ايام ولت ولن تعود في احلى الاصدقاء بعضهم غائبون
والله مت من الضحك منين جبتة هاي ابو كرار
رد مع اقتباس
