اعلان نتائج الامتحانات للصف السادس الاعدادي
هاجه‌ر داوود رێڤه‌به‌را راگه‌هاندنا وه‌زاره‌تا په‌روه‌ردێرێڤه‌به‌را راگه‌هاندنا وه‌زاره‌تا په‌روه‌ردا حكوومه‌تا هه‌رێما كوردستانێ دیار كر كو ل رۆژا ئێكشه‌مبى 7/7 دێ شێواز و چاوانیا به‌لاڤكرنا ئه‌نجامێن ئه‌زموونێ پۆلا 12 ئاماده‌یى دیار كه‌ن و گۆت:( دێ بزاڤێ كه‌ین ب كێمترین ده‌م و ب ساناهیترین رێ قوتابى ئه‌نجامێن خوه ب ده‌ست خوه بێخن).
هاجه‌ر داوود رێڤه‌به‌را راگه‌هاندنا وه‌زاره‌تا په‌روه‌ردا حكوومه‌تا هه‌رێما كوردستانێ خویا كر كو ئه‌و ژ بۆ به‌لاڤكرنا ئه‌نجامان دێ گه‌له‌ك گرنگیێ ب ته‌كنۆلۆژیا سه‌رده‌م ده‌ن و گۆت:( شێواز و چاونیا به‌لاڤكرنا ئه‌نجامێن پۆلا 12 دێ دیار كه‌ین بۆ وێ چه‌ندێ قوتابى بزانیت ل ده‌مێ وه‌رگرتنا ئه‌نجامێ خوه ب رێیا ئه‌نترنێتێ دێ پێدڤى ناڤى بیت یان ژى ب تنێ پێدڤى هژمارا ناسناما ئه‌زموونێ بیت، دا كو خوه به‌رهه‌ڤ بكه‌ن).
سه‌باره‌ت راوه‌ستیانا مالپه‌رێ به‌لاڤكرنا ئه‌نجامان ل ده‌مێ به‌لاڤكرنێ، هاجه‌ر خانێ ئاشكرا كر كو ل سالا بۆرى مالپه‌ر ده‌مژمێره‌كێ ب تنێ راوه‌ستیا بوو، به‌لێ بۆ ئه‌ڤ ساله ئه‌و ژى یا هاتیه چاره‌سه‌ركرن.
ل دۆر ژڤانێ راگه‌هاندنا ئه‌نجامان، رێڤه‌به‌را راگه‌هاندنا وه‌زاره‌تا په‌روه‌ردێ ئاشكرا كر كو ئه‌و نزانن ب دروستى دێ كیژ رۆژێ هێنه راگه‌هاندن و گۆت:(ده‌ستنیشانكرنا رۆژا به‌لاڤكرنا ئه‌نجامان په‌یوه‌ندى ب مه‌ڤه نینه، به‌لكو په‌یوه‌ندى یا ب رێڤه‌به‌ریا گشتى یا ئه‌زموونان ڤه هه‌ى و ئه‌و دێ بڕیارێ ده‌ن كا كیژ رۆژێ بهێنه به‌لاڤكرن).
هه‌ژى گۆتنێ یه كو نێزیكى 140 هزار قوتابیان ئه‌ڤ ساله ل سه‌رانسه‌رى هه‌رێما كوردستانێ پشكدارى د ئه‌زموونێن پۆلا 12 ئاماده‌یى یێن سالا خواندنێ 2012-2013 دا كربوو و نها چاڤه‌رێى ئه‌نجامانه.
هه ر سه ركه فتي بن
رد مع اقتباس
