يعيني الله اعله العواصي من السنين
شكثر بيـــه عناد ويـــه العاصيات
وزه يوازني و أواكح ما ألين
وأرجي ضلعي على الرماح المشرعات
آخ ما اكولن وهذا المـــايصير
ولا أطمعهن وأبينلهن شكات
هي روحي ووطنتها على اللهيب
وميــزة الفـولاذ يصكَـل بالشوات
طبعي كَهوه اشماتعظني النار حيل
آكسب من النار محمود الصفات
روحي أبوهه الضيم وأمها المستحيل
وهي وسنين الكحط ولدن خوات
أنا مغرم بالثكَــــال من الحمول
وصلب عودي وهالجتاف معركات
شكثر منهن حملت بس ما لعيت
ودفتي من الجلد طلعت والعبات
وحدر هدمي وكامتي يتكسرن
والنصال على النصال مخالفات
واعتنيهن لو عليه ما سيرّن
خاف ينكَال انكسر بالعاتيات
ولو أدريهن ضواري ولا أهاب
وصرت أواسدهن وألف راسي وأبات
رد مع اقتباس
المشاركة الأصلية كتبت بواسطة لن استسلم لك
