اثناء تصفحي للفيس بوك
طبعا لكيت هالبيان التابع للهيئة التكفيرية اللي تدعي نفسها هيئة علماء المسلمين يوضح استعدادتهم اثناء المظاهرات لقتل الابرياء
محتوى البيان يكول.. استعدو وجهزوا انفسكم للقتال
اخليكم ويا الصورة
الحذر واجب ياناس..وديروبالكم..وبس الله اللي يستر
ونشوفكم باجر هع
يمعود هاي شنو السالفة مبينة جذب في جذب ........منتظر مبينة الورقة كلاوات حبيبي لان هيئة علماء المسلمين ما يصرحون هيج تصريحات سخيفة و بصورة رسمية ههههههههه
منتظر يمعود شبسرعة عبرت ..
ممكن تنورنا برابط الموقع اللي منشورة بي هاي الوثيقة (الحكومية) الساذجة؟
منتظر .. طبعا نشرك لهذا الموضوع يدل بالدرجة الاولى على حرصك و خوفك على ارواح الناس
بس لا تنسى .. هذه الورقة ممكن اي واحد ما يريد للناس تطلع بالمظاهرات يسويها .. هسة اكدر اني اسويلك اختها بالضبط .. لذلك ما تعتبر دليل
صحيح .. الكثير من الجهات او الاطراف راح تحاول تستغل وضع "ما بعد المظاهرات" لصالحها .. بس اللي شفته .. و تأكدت منه .. من خلال قراءتي لاراء عموم الناس .. بالفيس بوك .. و بالواقع ... و بالمنتديات .. أنه درجة الوعي زادت بدرجة كبيرة ... و العراقي هسة .. مو نفسه العراقي بالـ 2003 .. و درجة الوعي هذه راح تمنع أي شخص او جهة من استغلال الوضع لمصالحها الشخصية ..
صدكني .. إذا نريد نخاف .. لازم نخاف من نفسهم أصحاب السلطة و صناع القرار .. لان راح يسووون اي شي علمود يبقون محتفظين بكراسيهم .. ترك الكرسي مو سهل منتظر .. أبد مو سهل ... .. خصوصا إذا عرف صاحب الكرسي .. انه إذا نزل منه .. راح تتم محاسبته قضائيا ..و يروح لمزبلة التاريخ. .. بس خللي يجفون العالم شرهم .... و كلشي ما نريد .. و هذه التخويفات الفارغة بهيئة علماء المسلمين و و اندساس البعثيين و الصداميين . اسلوب ماكر .. و ضرب على الوتر الحساس .. بس إن شاء الله ما راح يتم تمريرها على الناس .... و أسأل رب العالمين أنه يحفظ المتظاهرين و يرجعهم سالمين ، مسالمين ، غانمين إلى بيوتهم و عوائلهم .. و الله ولي التوفيق
عاشت ايدك منتظر وعلى عنادهم خخخخخخخخخ
علي هسة تحب برشلونة افتهمناالمشاركة الأصلية كتبت بواسطة علي الواسطي
بس تحب ليش؟
رد مع اقتباس