شكد صار انت حلو يمكن كبل ما تصير
ويمكن كبل هالوكت من جان نوح صغير
نكعك رب العرش وي يوسف ابفد بير
شفاف عندك رطب وضحتك ضحكة طير
خصرك رشاقة حبل والشاف طولك دآخ
وبتهوفن الي كتب صوتك وشارك باخ
جم أوف مني خذت وحسره ومسبه وآخ
مثلك اريدن ألي يسوونلي أستنساخ
مشمش عسل مستوي محرم على شفافي
الثلج يمطر برد وانت ثلج دافي
بسنونك الكه الصبح متوسد وغافي
دمعك ولا كل دمع مثل الندى الصافي
عونه اليضوكك ولو ضوكتك ورطه وشكر
أفراكك قهر عالكلب وشوفتك اكثر قهر
طفيني جاي احترك معقوله كلبك صخر
هم عود عندك عين والنسوان عندها عيون
جف الكمر كحلك ومن نوره حطلك لون
من تنعوج شفتك ينعوج كل الكونادري انت مو حصتي ووياك تالي شلون
عونه الحضن همستك صغيرون ألوليلك
واقرا مقاطع شعر مناوب واغنيلك
ايمان كعبة شرف محتاج اصليلك
النسوان من تغتسل تغسل ذنبها الجان
والماي بيك اغتسل من غلطة النسوان
من تمشي طيب وعطر تمطر ورد نديان
مو خآن بيه الصبر وصعبه الصبر لو خآن
صعبه الصبر لو خآن
رد مع اقتباس