قصيدة من الشعر الهزلي عن عراقي من ايام الحصار هههههههه
البزونة والفارة
متعني انه لهلي تلكيت البشاره
الثلاجة بيه عطل فهموني الجاره
مقهور اني وضجت والمرة محتاره
التصليح يكلف تره واني ولا باره
انوب فوك القهر اوضاعي منهاره
من البيت شردن سوه البزونة والفاره
شكن الزيج ومشن يشتكن للجاره
كسرة خبز سفرته مابيه خياره
خوب اللحم كل سنة يذكرنه بزياره
دك علينا يطلب يصيح كفاره
والبيض مابيه طعم يعدينه بصفاره
والموز اعوج تراه وتجوينه اسعاره
التفاح طييب اظن وصلتنه اخباره
وهذا القميص انفتك وتكطع ازراره
والبنطرون انسرا بيه فتحه دواره
وحتى حذائي انملخ وانمسحت اثاره
خوب اللباس استحي من ذكر اسراره
بدلته بمنشفة ومتوزر وزارة
رد مع اقتباس
المشاركة الأصلية كتبت بواسطة اجمل انسانة
