قبل دقائق فتحت الايميل لاجد رسالة على الانبوكس من الشاعر رعد الفياض
احببت ان اظعها بين ايديكم
قصة القصيدة
اراد احدهم صوتي وقصيدة ... مقابل رصيد ابو العشرة دولار وبطانية ام النفرين ...
ومن المضحك المبكي ... أن ام فلان التي تقوم بالتثقيف
وانه ادري يطير راسي .........؟!
*****************
القصيدة
شگد سخيفة .....!
جملة اسمهه (( تبيع صوتك ))
ليش ابيعه ؟
حتى احصلي وظيفة ؟
لو شريطي .. لو حماية اباب مولانه الوزير ؟
ليش ابيعه ؟ ليش اطعن بالصريفة ؟؟ وانتخب واحد حـــ .... ــير
مو غّلطت .. وعلگتكم فوگ شماعة اغلاطي
مو بشر انتم ............... !
وانه وانته
لو اطير اصوات منك .. لو أنه الراسي يطير ...
ارتفع سعر الصوت بالسوق السياسي
ومحد بحال الفقير
هاك بطانية صوت
هاك ( ورقة ) روح صوت
...
خل أكلك شوف هاي اطرف طريفة
حزب شردت كلهه منه ... اصوات مبحوحة يدور
وأم فلان الهم تثقف ... وانه اعرفهه خفيفة !
ما اصوت .. ما اريد !
ما اصوت .. ما احب للصار اعيد
وأگتل حسين انه بيدي ... وانتخب شلة عبيد
وما اريدن زينب المضلومة تسبى
وانتَ تضحك يا يزيد
ما اصوت ما اريد ..
لا تزل امريكا تشرب نخب موتي
وايدي مغلولة بحديد ..
وانت مني تريد اصوت ؟
ما اصوت ما اريد
انه شاعر
شايل هموم اليتامة
شايل دموع الثكاله
شايل ادموم الي نزفاهه الوريد
ما اصوت ..
شيل بطانيتك امشي
واخذ وياك الرصيد
كالهه نوفل الصافي
( اني بهلول المدينة وانت هارون الرشيد )
ما اصوت ما اريد
,,,,,,,,,,,,,,,,,,,,
وفكرت ينابك صوتي ؟
قررت انه اصوت
واخيراً راح اصوت
راح انتخب الصريفة
وامسح ادموع الشريفه
وراح احارب كل قذيفة
وكل ما انهي القصيدة ... خل انصحك
لو ردت مرة تثقف لاتخليلك خفيفة
ولا تضل تصقل تعيد
انتخبني والوطن يرجع جديد
لا تسولفهن عليه انه شاعر
وفوك ضيم الله مراهق
والطريفه انه عنيد
يعني بس تلح عليه
ارفس ابطن الخفيفة
,,,,,,,,,,,,,,,,
تنويه / عذراً للكلمات البذيئة السوقية لكني كتبتها متعمداً
اردتها بمستواهم
للشاعر رعد الفياض
مع تحياتي
صائغ الحروف
رد مع اقتباس
المشاركة الأصلية كتبت بواسطة الصديق
