هنا

[علي الازيرجاوي]

قصيدة ..... ام شهيدين .... استشهدوا اثناء عودتهم من المدرسة .... مقطع من القصيدة


فاركتكم ...

بنص اثر ضحكة اعلى شفة من شفتكم ...

رفض ما يرضة الزمان بشفة تضحك وخسرتكم ...

يلي يم صحراء فقري نبتن اخضر شجركم ...

من نهر دين ونين وبالاذية وكبرتكم ....

يمه يحني القهر ظهري حتى ما يوصل ظهركم ....

يمه ضيعت انه كلشي .... مرة بيهن عيني ضاعت ... بذلة الضلمة اعرفتكم ....

يمه اذكر من جبتكم .... يمه كصو لحم بطني وطلعتكم ....

يمه ماظن عيرتكم .... ليش جابولي اللحم طشار منكم ....

يمه حيل الدهر ركني .... يمه مايمكم مكان اخذوني يمكم ....

يمه حيلي بلاجدم يوصل كبركم ....

يمه يم باب المكابر جنت احسب انتظركم ....

يمه احسب لو اموتن .... يمه ولدي مشيعيني .... يمه خان احسابي بية وشيعتكم ...

يمة وردة بنص حديقة الله حلوه ..... يمه وردة بنص مكابر وزرعتكم
........................

يمه اوصيكم عليه ... مروا يمة المغربية ... بلهفة وبشوك انتظركم

يمه شو صارت صدك كمو ارد اشمكم ...

يمه كعدوا الصبح صار وارد ارتبلكم كبركم ...

يمه هاكم وشلت اسنين امتلكهن حدهن اليوم الازفكم....

يمه جانت بيه خمسة ... جرح ابوكم ,.... وضيم دنية الماصفت وياي مره

وفشلت العوز الكلتني

وخذلت اخواني العلي حسبوهم اخوه ...

اتزيد شيبة بشعر راسي وازرع اليوم بعمركم ...

ودورت الناعور دارت ... دنية سلبت كل حياتي ... يوم دارت شايلة بجفه المنية ... وانت يمه على

الجرف ... يمه عرفتكم اليه ... دارت بسرعة وخذتكم ...

تحياتي : كلمات عماد شلاكة .....

[علم الهدى]

جيد