حسبالك خلص ؟! ما ارجع انــوب !!
واظل تعبان بعدك وابجي مــــــوال
عود انت ادفعتني..؟! هواي بطران
تره اجفوف البشر ما تدفع اجبال
واذا كاع انت طبعك هم امر بيــك
... ... واشك صدرك واجيك بحيل زلــزال
... ماتستاهل اسهر واحسب نجوم
وابوس ايد الكمر وعيون الهــــلال
اتوسل اظل بلكت يروحــــــــــون
وعله ظهر الصبح تلكاني خيـــال
اجيك وبيدي وردة وكلبي متعوب
واكابر واني بيه جروح اشكال
عال العال صحتي وكلشي انسيت
مامجبور احب انسان تمثال
رد مع اقتباس
المشاركة الأصلية كتبت بواسطة علي الازيرجاوي
