هنا

[اسرار بلا عنوان]

لحد الآن عايش

************


لحد الان عايش وانطر تعود

وعيني بفركتك ما تقبل اتنام

اسلي بروحي احاول بلكت انساك

يمر اسمك واحن الذيج الايام

المستقبل بنيته وردته وياك

بس يوم الرحت ما ظلت احلام

اكول يعود واصبر يوم يومين

من كد ما اعد تيهت الايام

تعال وطيب اجروحي من الافراك

بدن من طرف جدمياوصلن الهام

بده وياي الحزن من عفتك تروح

ولحد الان باقي يعيش وياي

اتأمل تجيني وانته ما جيت

عليش اتاخرت موشمتت اعداي

حالي خلاف عينك تعرف شلون

غريب بنص مجطه امتيه الراي

تعال الخاطري حتلو بلاحلام

بلكت اقتنع واصبر وتاني

وكول يعودلي وماناسي الاحباب

واحس تشتاقلي وتحسب ثواني

واذا ماجيت بيه يهيج وسواس

يكلي اكطع الظن ولاتتاني

راح الي تحبه وماظن يعود

وعلى الارجح نساك وحبله ثاني



الشاعر وليد الغالبي

[قيس عبد حمدان]

تسلمين على الاختيار

[علم الهدى]

جيد

[علي الامير]

شكرا لك

[علم الهدى]

جيد

[ريتاج الطائي]

شكرا قلب

[ايليتا]

روووووووووووووووعه جمااااااااااااااااااااال عاشت الانامل

[منصور ادم الهوساوي]

يسلمووو

[علي الازيرجاوي]

وماذا يمنع نتجول في صفحاتك

ونتمتع بما يزرعه قلمك

من فن وإبداع متقن

تقبل مرورى وشكرى