ياقرآن من قرآن
ازحف لك زحف للباب *** يا ســـابع اولي الالباب
يا ميـــــــــزان للايمان *** يا قــــــرآن من قـــرآن
******************** ******************
مختلف الهوى ويا لريه مدري شبيه *** من آخـــــــر نفس لليوم مخنـــــــوگين
صدگ بيها شمــس والباب ما مقفول *** ولكن مـــــن متت مولاي مسجــــونين
حتى الغيض وين الكاظـــــمين يصيح *** طگ روحه وزعل ودموعه صبت طين
يا باب الحــــــوائج عالجسر مصلوب *** لو خيَّل الينـــــــــا وانتوا مــــــا ميتيـن
تستاهل حزن يعگوب *** مغالي بحبك وما توب
يا نص سورة الدخـان *** يا قــــــرآن من قـــرآن
******************** ******************
أدور لك ذنب بيه اعــذر التاريخ *** وامنع روحي من تلعن ظلم هارون
لو عندك جريمه نسامح الزنجيل *** واغفر للحكـــــــومه واخدم القانون
يلرأفة علي ورحمة محــــمد بيك *** يا دم كربله وســــر فاطمه المكنون
لو طبعك شمر چان الخليفه تصير *** وتذل الرگاب وما متت مسجـــــون
من طينة نبي ياسـين *** والطـــــاغوت ضد الدين
هذوله جنود للشيطان *** يا قــــــرآن من قـــرآن
******************** ******************
ما محتاج كرسي ولا جواري تريد *** بيتك طين وهدومك اظنهن صوف
ما تحســــــد قصر والساكنيه قرود *** يا كعبه اليحج مجبور بيك يطوف
تضحك للجـــــرح ما عاتبت سچين *** تخجل لو عـــدوك للنزيف يشوف
يا صبر الجسر شـــالك ثگل عباس *** اقسم ينخسف لو للزنود چفـــوف
سمعـــــته يصيح بيك دخيل *** صعب يا موسى فوگه يشيل
ونين اركـــــانه كلها احزان *** يا قــــــرآن من قـــرآن
******************** ******************
ممنوعه الشمس لا خيط منها يفوت *** بدموعك توضه الليل واصبح نور
ركـــــزوا بين ذله وبين سله وصاح *** صوت حسين لا هيهات رد عاشور
تعطش مــــا طلبت الماي من عباس *** تدريها الچفـــــــوف مبتره ومعذور
ووداع العقيله التـــــــربه من صليت *** وي گصــتك بچت والطين گام يفور
وداعا يا إمامي تصــيح *** سجنك من حزنها يطيح
عساها بحضـهم العدوان *** يا قـــــــــرآن من قرآن
الشاعر محمد المالكي
رد مع اقتباس
