أنه الغلطان من خليتك أنت بدفتر الوجدان
وانه الغلطان من كتلك اريدك من كلب ولسان
يا.... كصر النظر من كمت أهتم بيك
حسبَّالي يظل ميزانك الميزان
ويا عثرة درب ذبت اجدامي اهناك
والسجه طويله اتعاند التعبان
تجرحني اعله طولي وما كلتلك ليش
وادنك عيني منك مستحه وخجلان
اجيك ابخلك ما دشنته طول اليوم
وارد ابخطوه وحشه وبهذلاها اللوم
واعض اشفافي عض ندمان ا نه الغلطان
يا... رحلة عمر نفضت أكتاره اسنين
أعد أيامها وأشخط على الحيطان
وارد الذكرياتي البعثراها الغيظ
ارتبهن و ارد كلشي مثل ماجان
وترد انت تبعثرهن وارد آنه وترد انت
وصيّح ابزحمة السكته مو كافي ولك يفلان ...؟
جرحني الحجي الما رتبنة احروف
وشهك ويه روحي الجتفاها الخوف
وطيح بية الف نيشان
يا ... طبعي شكول اعليك
تركض عالسراب وشايلك طوفان؟
رد معذور ماطول الوكت بعده
رد ابأول المدة و...لو سدَّوا
ابوجهك باب صدكي أكلك تنفتح بيبان
رد مع اقتباس
المشاركة الأصلية كتبت بواسطة ورود البنفسج
