( خليني اعلى صدرك )
خـلـيـني اعـلـى صـدرك من يمر الليل
وابقساوة اشبكني حتى ارتاح بالشبكة
ولا تـشـعـل شـمـع بـيـنـة لـو حـل الظلام
خـلِ چـفـي اعل خدك تلكاهه محتركَـة
ولا يـهـمك نـسيم الهـوة لـو عـانـد اويـاك
من ريتي اخذ الهوة ولاتخلي شهكُة
وخليني اضمـك يالـمـاتدري شكثر مشتاك
مثل مكطوع الجفوف امن اشتهه الصفكَة
انة مـن تعـطش عـيـونـي تصبحـلـك زلال
واقـلعهه من الجفن لو صابتك شركَة
واذا ردت الفـرح مـن جـيـدة اجـرْة العيد
واجيبة اعل الدرب يزرع ورد ملكة
والبس ايــام الـفـرح بـهـدوم الـمـراجيح
وغنيـلـك لحن من نبظ الكلب دكة
واخلي الربيع ايخظرلك احلى ورود
واتفق ويـالشجر ما يـترك الـوركة
واذا مريت بدرب تلكة اعل الدرب موجود
سرة روس الشماتة أبمستحة امدنكة
لا شـغـل لا اكـل لا راحـة لا نــوم
انة كـل حيـاتـي بجـيـتك متعلكة
واذا صابك حزن لو صابتك اه
تعال اعل اليحبك شوف شراح تلكة
حافي تلكاني نازع هدومي ولابس الليل
واصياحي سهام أل كلب الصابك اشكة
ويم عتبة الباب اكلبه عراضة وزحمة شيوخ
خيال اب اثر خيال وتفكة براس تفكة
وعلى الكلك بكلمة وحرك كلبك حيل
اومـي وعـليه بـس اسمـع الطكـة
انة بروحتي شريتك وانت حكي امسيت
وترة بس الجـبـان المايطالب بحكة
اذياب اخـاوي واسـكـن البـيـدة اسـنـيـن
ولا اخاوي چلاب وغايتي اللكة
قلم زين المواسي
رد مع اقتباس
عاشت الايادي