حبيبــــــــــــــــي الدنيا ما ترهــــــــــــــم بلياكـ
حبيبي الدنيا ما ترهم بلياك
وروحي وياك راحت من عفتني
وبعد كل العذاب الشفته وياك
وشگد انت بمحبتك عذبتني
اضل للموت احبك اني واهواك
لان انت بمحبتك جننتني
شلون گدرت تمشي وگلبك انطاك
وبيوم السافرت ما ودعتني
من گالوا رحت گلت الله وياك
گلتها بگلبي واتاريك اسمعتني
لان بگلب واحد عشنا روحين
واخذته وياك يوم الفارگتني
اني الخاطرك بالعمر ضحيت
وتالي اطلعت عندك مالي خاطر
على صدري زرعت بيدك الالغام
ومن ثارن صرتلك اني ساتر
صرتلك سيف ضد كل اليعادونك
وانت بضهري حديت الخناجر
ردت انساك گلت ابتدي من اليوم
وشلت هم شيصبرني عن باچر
اذا لحظات ما اتحمل انساك
گلي شلون اصبر من تسافر
حبك بالگلب دگيته بسمار
وهلبسمار ما ابدله بجواهر
ولو كتلي اللجهنم امشي وياك
اگلك أأ مر وتلگاني حاضر
ما انسى فضلك انا للموت
ولو مو حبي الك ما صرت انا شاعر
احل كل الالغاز بليه تفكير
وبكلمت احبك اني حاير
حروف اربعه مالها تفسير
لاهي بكتب ولا بدفاتر
لان كلمه احبك بين الاظلوع
والگلب المايحب تلگاه نادر
[
اذا فكرت اكرهك حبك ايزيد
ومن انساك اگوم اشتاگلك اكثر
والله اگدر اجيب من السما نجوم
واكذب لو گلت انساك اگدر
يوم الي رحت راحت روحي وياك
وبقت مثل الحمامه عليك تفتر
گدامك مشت ما تمشي وياك
تضوي لك طريقك خاف تعثر
اني عجيبه قصتي وياك
انته التعيل بيه وانته تزعل
فد منك عذاب اشكال وانواع
وكل هذا العذاب بحبك ايهون
ولان ما ضل دمع بغيابك ايطيح
اخاف ابچي بعد وطيح العيون
رد مع اقتباس
