هنا

[علي الازيرجاوي]

رحت لغير ديره وماعفت عنوان

ولاريحه ثيابك شالها البستان
من هبيت ماجلب بجدمك غيم
ولاشفته انكسر كدامك وعطشان
روحك من تجيني المغربيه احتار
ششعلك لروحك كلي يادخان
اذا حرمل يزعجك طكطكتلك هيل
واذا يزعلك بخور اشعلك الرمان
يالمحضر الملكأ تكول مهرة صيد
ومحاضنك يركض مايهم بعنان
ياهو الدخل بيتك شال طيبه شوك
وبهبة هوى تميز الاجاك فلان
واخر شخص طبلك جان عزرائيل
واستقبلته عادي تكول ياهو الجان
كلت بداخلك مارده فارغ عيب
او ل مره جاي ومااعزبه انهان
باوعت اعله روحك هوني لاجل الضيف
زحمه وجاي لازم من يرد مليان
وانه ضكته الكبر من سدو التابوت
والبرزخ شربته وضكته ضوك لسان
عليك انحب ولو صار النحيب ارماد
يظل بيه صوت لوينطش على الخرسان
رد صارت الطيبه تمر صدف على الرووح
والحنية عميـــه وما تد ك بيبان
على حس السوالف كلبي خف عليك
والكالالي تنحب جان مو بطران

[علم الهدى]

جيد اعد