صلب مثل الجبل بالشـــدّه منهزّيت
بس بُعدك عليه بهالـــــوكت هزنــي
جنت ليّه الاهل انت وجنتلي البيت
وبس انت الجنت بالدنيا عاجبــــني
وجنت انت التذوّب قلبي لو مريت
وأطيحن لو عيونك مرّه تنظــــــــرني
جم مرّه الوكت يجرحني متــــأذيـت
بس زعلك عليه الجان يألـــــــمنـي
بشر غيرك أبد بگليبي ما حطــيّــت
وكل واحد بعد بالدنيا ما هـــــمنــي
شجاك تغيرت وبروحي ما خليــــت
بس حسره ودمع وجروح أذتنــــــي
عليك اتعودت مثل الشجر عالماي
وشحال الشجر لمن يجف مايـــه
وحفظتك مثل مؤمن حافظ الايات
ويامؤمن تفارك خاطره الايـــــــــه
يا اول جرح تتباهه بيك الــــــــروح
قاري محبتك من زغرك قرايـــــــه
شلون تروح مني وياكلب ينساك
وانته الي صرت لمرايتي مرايـــــه
تدريني بمحبتك طامع بملكــــاك
وماعنده الكلب بس شوفتك غايه
رد مع اقتباس
