((ياضحكة طفل))
ياضحكـة طفل تتمايل أبممشاك
مو حقي من اشك اهدومي واتهدل!!
ما شايف بعدني ازغيـر ومعذور
وانتة استاذ بالحب ناجح الاول..
بس هية المصيبة لو كَعدت وياك
يضيع ألساني مني وكلشي ما أندل..
دخاف الله يخايب سودنيت الناس
كلمن عاف شغله وبيك يتغــزل..
من تمشي الفراش يحوم فوَك الراس
لأن حتى الورد بجـدامـك اتوسل..
اثر جدمك ضوة من تمشي فوَك الكَاع
ولأن شفاف جسمك ما ترك أي ظل!!
وبالسبعة الصبح لا تضحك أترجاك
وكَـدام البشر غطيهـن اشفافـك!!
طـلاب المدارس حـارو بمعناك
كلمن ناسي درسه..وحافظ أوصافك!!
وإذا اتطب للقسم اكَعد بأخير الصف
أذا كَـدام تكَعـد يعنـي نتخردل..
مو حتى المدرس سودنيتة وياك
راد يكَول جاوب...كَلك أمعـدل!!
*************
جلال البطاط
رد مع اقتباس
المشاركة الأصلية كتبت بواسطة علي الازيرجاوي
