شفت سیدنه السیاسی
اکس کیوزمی(عفواً) ایصیر اسولف؟
گلی گول اشماترید...
گتله آی جاست وانت حقی!!
ما فهمنی..
عفواً من اول اعید...
گـتله ارید ابسط حقوقی...
ما حقوقک؟!!
گتله ارید احچی ولکن ما ارید اتگص رگبتی و لا تقیدنی ابحدید...
گلی الک کل الأمان...
گتله سیدنه السیاسی...
ایصیر تقفه انته ابمکانی وآنه اقفه اعله سریر
هم یصیر ابدار وحده اتنام وی امک و ابوک وللصبح تسمع شخیر؟
بس لعلمک...
های سمفونیه یعزفهه ابوی
حته لو شوف ابنامی بلغلط صایر أمیر
ینفخ الصور ابأذانی حته احلامی وتطیر
هم یصیر؟
طبعاً ادری مایصیر...
انتم اشرف خلق عل کون انخلق
و احنه عندک یا سیاسی کــ.. العبید
انته تظلمنی ابقرارک
و آنه اغنیلک نشید
ما یصیر ادری ولکن...
باچر ابیوم الحساب
منکر ایجیب الکتاب
لون گلک لیش ظالم هل الشباب
لا تگله گلی حط نفسک مکانی و آنه گتله ما یصیر...
لأن سیدنه السیاسی احسابک ایصبح عسیر...
لفته ابوسعد الحموداوی-الأهواز
رد مع اقتباس
