هنا

[حسن جليل]

ﺭﺍﺡ ﺍﻟﻐﻲ ﺍﻟﺼﺪﺍﻗﻪ ﻭﻳﺎﻙ ﺑﺎﻟﻔﻴﺲ
ﻭﺍﺳﻮﻳﻠﻚ ﺣﻀﺮ ﺑﻠﻜﻲ ﺍﻛﺪﺭ ﺍﻧﺴﺎﻙ
ﻭﺍﻋﻮﻑ ﺍﻧﻪ ﺍﻟﻘﻠﻖ ﻭﺍﺗﺮﻛﻬﺎ ﺍﻟﻀﻨﻮﻥ
ﻭﺑﻌﺪ ﻣﺎ ﺍﻧﻔﻌﻞ ﻭﻳﺼﻴﺒﻨﻲ ﺍﺭﺑﺎﻙ
ﺍﺷﻮﻑ ﺑﺼﻔﺤﺘﻚ ﺍﻻﻑ ﺍﻻﺻﺤﺎﺏ
ﻭﺻﻔﺤﺘﻲ ﺷﻤﺎﻟﻬﺎ ﺑﺲ ﺍﻧﻪ ﻭﻳﺎﻙ
ﻃﻠﺒﺎﺕ ﺍﻟﺼﺪﺍﻗﻪ ﺻﺎﺭﻥ ﻫﻮﺍﻱ
ﻟﺘﻮﺩﻱ ﻃﻠﺐ ﻟﻠﻤﻨﻪ ﺍﻧﻬﺎﻙ
ﺍﻟﻤﻨﺸﻮﺭﻱ ﺍﺑﺪ ﻣﺎﺗﻨﻄﻲ ﺍﻋﺠﺎﺏ
ﺑﻌﺠﺎﺑﻚ ﺗﻤﻦ ﻣﻨﺸﻮﺭﻱ ﻳﺴﻮﺍﻙ
ﺍﻃﻠﻊ ﻣﻦ ﺻﻔﻨﺘﻲ ﻛﺎﻓﻲ ﺷﺘﺮﻳﺪ
ﺷﺒﻪ ﻣﻴﺖ ﺻﺮﺕ ﺍﺭﺣﻤﻠﻲ ﻓﺮﻛﺎﻙ
ﻣﻦ ﻭﺍﺣﺪ ﻳﻌﻠﻖ ﺍﺷﺘﻌﻞ ﻧﺎﺭ
ﺍﻣﻮﺕ ﻣﻦ ﺍﻟﻘﻬﺮ ﻟﻮ ﻻﻳﻚ ﺍﻧﻄﺎﻙ
ﻫﺎ ﻳﻤﻜﻦ ﻳﺪﺭﺩﺵ ﻫﺎ ﻓﺘﺢ ﻣﺎﻳﻚ
ﻟﻮﻳﺤﺠﻲ ﻭﻱ ﻏﻴﺮﻱ ﺷﻌﻨﺪﻩ ﻭﻱ ﺫﺍﻙ
ﺿﻨﻚ ﺗﺨﺘﻔﻲ ﻣﻦ ﻣﺨﻔﻲ ﻃﺒﻴﺖ
ﺗﺒﻴﻦ ﺑﺎﻟﻨﺸﺮ ﻣﻦ ﺗﻨﺸﺮ ﺍﻟﻜﺎﻙ
ﻛﺎﻓﻲ ﺍﻟﺨﺎﻃﺮ ﺍﻟﻠﻪ ﺷﺒﻴﻚ ﻭﻳﺎﻱ
ﺗﺘﻘﺼﺪ ﻋﺬﺍﺑﻲ ﻭﺣﻈﻲ ﺩﻻﻙ
ﻣﺎ ﺃﻗﺮﻩ ﺑﺼﻔﺤﺘﻚ ﺍﻋﺮﻑ ﺷﺒﻴﻚ
ﻣﻦ ﻧﻈﺮﺍﺕ ﻋﻴﻨﻚ ﺍﻧﻲ ﺍﻗﺮﺍﻙ
ﺗﺴﺄﻟﻨﻲ ﺍﻏﺎﺭ ﺷﻠﻮﻥ ﻣﺎ ﺍﻏﺎﺭ
ﻟﻮ ﻣﺎ ﺍﻟﻠﻪ ﻭﺍﺣﺪ ﺣﺒﻚ ﺍﺷﺮﺍﻙ
ﻭﺍﻋﺬﺭﻧﻲ ﺑﻤﺤﺒﺘﻚ ﺻﺮﺕ ﻣﺠﻨﻮﻥ
ﻣﺜﻞ ﻗﻴﺲ ﺍﻧﻪ ﺍﺣﺒﻚ ﺍﻛﺜﺮ ﺍﻫﻮﺍﻙ

[ملكة القلوب]

رؤؤؤؤؤؤؤؤؤؤؤؤؤؤؤؤؤؤؤؤؤؤؤؤ ؤؤؤؤؤؤؤؤؤؤؤؤؤؤؤؤؤؤؤعه

[ياسين الجبوري]

جميل