15 في 15
السلام عليكم:
اسمحوا لي ان اقدم لكم هذه الدارميات البسيطةوالتي هي من كتاباتي بحق صاحب العصر والزمان(عج) بذكرى مولده المبارك,فكل عام وانتم بالف الف خير,سائلين الله عزوجل ان يعجل في ظهوره وان يجعلنا من انصاره واعوانه,هذا ونسالكم الدعاء.
15*15
15دارمي في 15شعبان
1مهدينة يــــاموعود ها ياأملنة* كلمن يحبك صاح لتخيب ضنة
2كلمن يحبك صاح عجل يمولاي* من تظهر اتلكاك يالمهدي عناي
3من تظهر اتلكاك واصرخ يمهدي*هذا آنة عد عيناك هاك اخذ عهدي
4هاك اخذ عهدي ودوم آنةابقة وياك*لآخر نفس ماعوف نهجك وممشاك
5لآخر نفس ماعوف يالمهدي حبكوابقة بطريقك دوم وامشي اعلة دربك
6ابقة بطريقك دوم مآشي ولاخاف*دربك شمس وعيون عمية اللي ماشاف
7دربك شمس وتنور كل ليلة ظلمة * وعطرك صدك لوفاح يالغالي أشمة
8عطرك صدك لوفاح مايبقة ظالم * وهالوطن بيك يصير يالمهدي سالم
9هالوطن بيك يصير يالغالي جنة * وفنة الكدر لاواك يالمهدي فنة
10فنة الكدر لاواك والكرب يمك *منك يصيح الويل لوسمع بسمك
11منك يصيح الويل كل عدو من يشوف* الفقار سيفك صار ويكطع الجفوف
12الفقار سيفك صار والراية بيدك * تهتف يثار حسين ويصح وعيدك
13تهتف يثار حسين ياثار جدي *هذا آنة الك هاليوم جيت اوفي وعدي
14هذا آنةالك يحسين جيت وأناديك* وأسحك بدية اليوم كلمن يعاديك
15أسحك بدية اليوم كل باطل وجور * وأصرخ أنة ابن حسين من الله منصور
بقلمي
======ஜ۩۞۩ஜ======
███▓ شهـد الفتلاوي░▓███
======ஜ۩۞۩ஜ======
رد مع اقتباس
