السلام عليكم
(( كل من عليها فان ))
نعزي كافة المسؤولين في محافظتنا العزيزة بفقدان المرحوم ( شارع النسيج )
والذي توفي أثر نوبة قلبية بعد ما بقي يحتضر لفترة طويلة في المستشفى حتى أتته المنيّة .
إنا لله وإنا إليه راجعون
اليوم فقدنا ( شارع النسيج )
وغدا سوف نفتقد ( شارع الهورة )
وبعد غد نفتقد ( شارع دور المعلمين )
وبالعافية عليكم السيارات الجديدة يا اعضاء مجلس المحافظة .
مشكور اخ احمد... الحقيقه العزاء للمواطنين وليس المسؤلين
المسؤلين ما اعتقد راح يأثر عليهم مثل المواطنين
طرح موفق ... مشكور
ولم يبقى شيء في واسط سوى المطبات والطسات والحفر
وكل ذلك (((((((((اعمار)))))))))
شكرا للجهود المبذولة في سبيل(( دبي)) اقصد(( الكوت))
واكتفي بهذا القدر
شكرا لك اخ احمد
بالحقيقة شارع النسيج صار قصة
بس ميفيد الحجي ولا المظاهرات
المفروض الكل تتغير
حبيبي اشتري حمار وانسى انك تعيش في بلد غني بثرواته
بارك الله بك ان انتصحت ولكلامي سمعت
شكرا لك عزيزي الغالي
طرح جميل سلمت يداك لما نشرت
تقبل مروري المتواظع
بوركت وسلمت يداك
لا يسعني القول سوى . أنا لله وأنا أليه راجعون
بس ألي ادري بالمرحوم صار فترة قصيرة يعالج . يعني مو مثل شارع ألزهراء ثلاث سنوات من العلاج . ويودو للخارج ومفاد
لحد ما الله سهل علية وردت الروح الة . قبل ثلاثة اشهر . ها وهسة بالجديد كل ساع تجي النوبة القلبية ههههه
أحمد الاوسي . عليك بما قال الاخ جاسم الزركاني
تحياتي لك وللجميع
والله يؤسفنا هذا الحال المزري والمحزن
والأدراة المحلية في الكوت غير مهتمة جدآ
الله يسهل ان شاء الله القادم افضل
شكرآ لك ابو شهاب
تسلم اخ احمد على الطرح الجميل للمصيبة الي احنة بيها ,, بس اني اريد اكلك انو العراق كلة دة يحتضر والجماعة ميحركون ساكن لان القضية متعنيهم اصلاً كل ما ايهمهم الرواتب والايفادات والسيارات الحديثة ,, اني اريد اسئل ليوين نبقة هيج ؟ يعني معقولة المصريين احسن من عدنة , مع العلم من المفروض انكون احنة اهل الثورة ضد الظلم باعتبارنه ورثة الفكر الثوري للامام الحسين (ع ) الي اقتدوا بيه اغلب احرار العالم وحققو حريات بلادهم .
اشارك للمرة الثانية في هذا الموضوع
عند مروري اليوم في شارع النسيج المغفور له التقطت بعض الصور
التي شاهدتها من قبل اسابيع مع كل السف العمل متوقف في الشارع والسبب خلل فني في بقعة معينة للشارع
ولعذر غير مرغوب به
وهنا أيضا بوري مكسور الي هوة على اساس مجرى مياة ثقيلة
اخوكم علي الواسطي يشير الى الحفرة الي صارلهة فترة طويلة من ألزمن
والحمد لله على كل حال نسأل الله ان يحس المسؤلين على انفسهم بعد التظاهرة
واي عذر منهم ممقبول لان كافي اعذار
رد مع اقتباس
