ياخذني الحزن
ياخذني الحزن لفراشه سكـــرانوينيمني الحزن بفراشه سكتـــه
يغطيني بهمومي وجرح الأحزان
واغفة وما احس وشلون زرتـه؟
يسمعني الحزن انواع الالحـــان
ولا لحن بفرح منه سمعتـــــــــــه
كل الحانه ضيم ويدري تعبــــــان
واصيح وانتفض والله حفظتـــــه
يكفيك الدمع ماظلت اجفـــــــــان
وصدكني الجرح بيدي جرحتـــه
تتصور حياتي افراح والــــــوان
وعندي انه الفرح باب وكسرته
ماعندي امل ..والبشر ثعبـــــان
يلدغني بغدر بس مالدغتـــــــــه
اعيش شلون وانا بوسط بركان
خايف ينفجر وتتأذه انتــــــــــــه
شوف شلون احبه وهو انسان
ماعنده رحم وانا الرحمتـــــــــه
يشوف عيوني تبجي وغركت الكون
ويامه من الدمع خده مسحتــــه
ـــــــــــــــــــــــــ ــــــــــ
رد مع اقتباس