هنا

[الشاعر علي البدري]

اشلون اهمل حبيبي اشلون ترضى ابهاي
واليهمل حبيبة ثق همل روحة

انة اوياك واحد تدري كلش زين
وبيبان الكلب بس الك مفتوحة

ثق انة من اشوفك عندي يوم العيد
طفل كلبي ابهواك وراد مرجوحة

صرت انتة النفس يصعد وينزل دوم
وانفاسك تراها ابريتي مسموحة

من كتلك احبك شي اكيد اهواك
وكلبي انة ابغيابك ماترك نوحة

هم شايف شخص لو جرحتة الشمات
يطخ راسة ويطيح ابزحمة اجروحة

بيدك طاب جرحي وانتة بلسم بيه
يل كلك رسم متكون ابلوحة

وذاكرتي فقط بس بيك تذكر دوم
وذاكرتي من دونك صفت ممسوحة

((بقلمي))

[علي الازيرجاوي]

الله الله يا غالي سلمت وسلم قلمك يا ورد

[هدوء الكون]

جميل جداا
يسلموو..

[الشاعر علي البدري]

شكرا لروعة مروركم واسعدني تواجدكم دمتم بود احبتي