حبايبى بنات الركن الغالى على قلبى يارب تكونو فى أحسن حال دائما وابدا
كان ياما كان ولا يحلى الكلام الا بذكر النبى عليه افضل الصلاة والسلام
كان عندى بواقى خيوط وبالوان مختلفة وكنت بفكر اعمل ايه
وبعد بحث فى النت لقيت الفستان الناعم ده قولت هو ده اللى ينفع ببواقى الخيط
ومن الخيوط اللى عندى جمعت الوان مشابهه للون الفستان قررت اعمله وطلع معايا بالشكل ده
وطريقته سهلة جدا عملت سلسال بالطول اللى عايزاه طول الفستان وعملت حساب الكنار الابيض فوق وتحت
واشتغلت ثلاثة ارباع السلسال بغرزة العمود والربع الاخير بغرزة الحشو
والف الشغل واعمل الربع بغرزة الحشو والثلاثة ارباغ بغرزة العمود
ثم غيرت اللون وكررت الطريقة الى ان حصلت على الدوران الكافى لمقاس الطفلة
دى صور اثناء الشغل
فى الآخر اشتغلت عند الصدر باللون الابيض عدد ثمانية اسطر بغرزة الحشو والحمالات بغرزة الحشو وعملت وردتين باللون الفوشيا وزينت بيهم الحمالات
وفى الذيل برضه اشتغلت بغرزة الحشو عشر أسطر ثم نهيت بغرزة الفوستون
وبس كده فستان ولا اسهل
ايه رأيكم
اتمنى ان يحوز على اعجابكم
لكم منى كل الحب والتقدير
رد مع اقتباس
