حبچ فرض من دینی
یاحلــــوه ذوّبـــنی العشگ بمحَـبِّـتِـچ نارالشغـف تصلــــینی
واجــروحی دم تنزف إلچ لفـّـینی بثیاب العشگ ضمدیـــنی
یلمَنبعچ صافی اوعَــذِب یمچ طحت غـثنی العطش دسگینی
وابرحـّــة الشـــوگ التِـــفرلعیونچ الحلـوه الشهل طحنـــینی
شیلینی ِ ابمیل الهوی اوجـــرّینی بجفـــونچ کِحِــل حطـّیـنی
اوصوغـینی عِــدصایغ ذکی وابیمنتچ معضدعـشگ خلـینی
یل بیچ اشم عـــطرالهناعــطرچ دوا اومن المرض یشفـینی
گــدما رحت لجلچ وارد حَتـَّی الـورد مات ابشحــیح اسنینی
یاحــلوه وازلوفـچ شگـــروجهچ بـــدرشـــوگچ جمریچوینی
یتلاهب ابگلبی العشگ وآنه احتــرگ لِحگی عَــلی طفـّینی
لحگینی مرینی ابعجل بخـّینی مـــن مای اللـُّما اوهفـــتــینی
بمحــبتچ شاب اوشِبت بس ماتِبت جاهــــل طِـفِــل عـِدّیــنی
لِزمینی یم چَـف الترف رَکـبینی دولاب الهوی اوفــــرّیــنی
اولودارت الدنیه اودِخِت ضمّینی بَحضان الـوفه اوشبگـینی
دارینی عــن حــراوبــرد مثــل الـورد طفـلچ صرت ربّینی
لوشفــتی مـــربیه البـــرد لِـــفـّینی بفــــراش الهَنااودَفــــّینی
اولوشفتی حَــرصارالـــوکت هَفـّی عَـلـَی بزلوفچ اوبردینی
اولوشفتی بعیونی الکـَرَه ابمهد العــواطف بالحضِن هِـزّینی
خلینی اشــــرقِـد لِصُّبح غـــنـّیلی چَـم غـنـوة طفل غـفـّــینی
اولوطرَّت اخیوط الفجرهرفی اویَه شع نورالشـّمس ندهینی
اورَیگـــینی من ریجچ عَسَـل مثــل الطیورابشفـِّتِچ عِــسّینی
لبســـینی اثیـــاب الهوی اوبـــرمــوشچ الچنها مشط نسلینی
واخــــذینی لِــدروب السعدوالروضة اطفال العشگ ودینی
وادرس محبتچ یاأرض وانتی العرض حبچ فرض من دینی
حبچ فرض من دینی
محمدابوعمارالحزباوی
رد مع اقتباس
