هنا

[الجنرال]

السلام عليكم .... اخواني ..
مرحبا بكم في الورشة الثلاثية ... هنا رح نتعلم الكثير والكثير عن
عالم البعد الثالث .. وما يدور فيه من التخصصات ..


من اوسع العوالم الرقمية واخطرها ... هو عالم البعد الثالث ..
حيث لا وجود للمستحيل بين طيات هذا العالم ...
قبل الدخول .. عبر بوابات هذا العالم المتشعبة والمتشابكة ...
يجب ان تعرف .. انك في عالم مختلف تماما عن العالم الثنائي ..
حيث تدحض كل نظريات العالم الثنائي هنا ... تتغير كل العادات والتقاليد ..




انت مش انت وانت ثلاثي ^_____^

راح تكون الورشة في قسمين .. نظري وعملي ..
طبعا القسم النظري لا يقل اهمية عن العملي ..
لانه يساعدك على فهم هذا العالم المليء بالمفاجئات ..



بعد هذا المقدمة ... الي ما عنده استعداد خلي ينسحب من هسة احسن ^_^ ...
لان نحتاج تكركيز واصرار ..


كلنا تعاملنا مع العالم الثنائي وعشنا بي ايام طويلة وليالي عريضة ..^_^ ..
طيب العالم الثنائي يتيح لنا حيز ذو بعدين ..
البعد الأول هو الx او المستوى الأفقي
والبعد الثاني هو الy وهو المستوى العمودي ..
طيبواللي يعيشون بهذا العالم ..
رح يتعاملو مع هذه المحاور او هذه الأبعاد ..

زين شنو هو عالم البعد الثالث .. هو نسخة مطورة عن عالم البعد الثاني ..
لكن اصابها فايروس .. كاسح وحوله الى عالم مليء بالمفاجئات
اللي ما كان احد متوقعها ...



والله ما اتشاقة ^_^ ..اني عندي قناعة انو عالم البعد الثالث ..
هو عالم سووه المبرمجين بس خرج من سيطرتهم ..*_*
لانو تشعب الى تفرعات غير متناهية ..

ورح اسولفلكم قصة قصيرة ^_^
طبعا في بداية الأمر .. اكو فد سبع مبرمجين عباقرة ..
جانو يفكرون يسون هالعالم الأفتراضي ... في اهم برامجه ..
الي هو الثريدي ماكس .. طبعا اكو برامج هواي بس هذا واحد منها ...
المهم ...
بعد التخطيط والتفكير والدراسة ... قرروا انو يصنعون هالبرنامج
بشكل واسع جدا .... كل واحد منهم لزم برمجة جزء منه ...
واحد لزم المؤثرات والثاني لزم الأضاءة والثالث لزم الكاميرات
وحركتها والرابع لزم نظام الجزيئات والخامس النمذجة ووووو ...
بعد فترة من العمل المستمر والشاق ... اكتملت السكربتات
وصارت جاهزة حتى يجمعوها في برنامج واحد ... وبعد التركيب ...
اشتغل البرنامج ^_^ طبعا حسو بالفرحة الأولى .. بس .. ^_^
قررو انو ياخذون فد استراحة شوية بعد كل هالتعب .. كالو شباب ..
كل واحد ياخذ نسخة من البرنامج ويروح يستريح باي مكان
وبعد اسبوع كل واحد منا يجيب عمل ضمن الي برمجه هو ...
مثلا الي برمج النمذجة يجيب عمل بالنمذجة ويلي سوة المؤثرات
يجيب عمل بالمؤثرت وهيج يعني ...
بعد اسبوع اجتمعو ^_____^_^______^ المفاجئة .. انو من شافو الأعمال ..
كل واحد يقول للثاني ... معقولة العالم الثلاثي بي هيج شي ^_________^
كانو مصدومين من الي سووه ... حتى قالو ... شسوينا احنا ...
ياويلينا ^_^ ^_____^



طيب

هسة شنو ...

نبذة مختصرة عن هذا العالم ...
هو عالم وهمي . يحاكي عالمنا الواقعي ..
بالمقاييس ويخضع لقوانينه مع امكانية التخلي عن اي قانون طبيعي
ما يعجبنا ^_^ هنا تحس نفسك تحررت من كل القيود ..
وراح تمتلك القدرة على تجسيد افكارك على الواقع !! لانو صدك
هو عالم مشابه للواقع بشكل كبير ...

هسة بعد هالفكرة .. البسيطة ..

حتى متضيع في هذا العالم الأفتراضي لازم تنتمي لدولة من دوله ....

في هذا العالم دول ومدن كبيرة
مثلا ... عدنة .. فد واحد يكول انو اني اريد ادخل هذا العالم على مود التصميم ...
يروح لدولة الكرافيكس يعني يتعلم الزوايا الي تنفعه بهذا الأختصاص ...

واحد ثاني يكول لا اني اريد ادخل على مود الخدع السينمائية والمؤثرات
يدخل دولة الخدع ..

وفد واحد يكول لا اني مهندس .. اريد ادخل على مود البنايات والخرائط
يدخل في دولة الأعمار .. وهيج شي ..

لان هالعالم صدك مبهم ومخيف وكبير ...

طيب بس من نريد نروح لأي دولة من دوله ... لازم عدنا حصان طائر ... ^_^




زين شنو هذا الحصان الطائر ... هو مجموعة من المعلومات العامة
عن هذا العالم ... حتى ندخل الدول عن طريقها ...


مجموعة مصطلحات .. ممكن ان تنفع تكون حصانك الطائر عبر
عالم البعد الثالث ...

x : هو البعد الأفقي للجسم او نسميه مثلا ... عرض الجسم ...
y : هو البعد العمودي للجسم او نسميه طول الجسم ..
z : هو البعد الثالث للجسم ... او نسميه العمق ..

ثلاثي البعد ... : 3D : يعني شكل يمتلك الأبعاد الثلاثة . x -y -z

النمذجة : modeling وهي عملية صناعة الاجسام الثلاثية ...
من اكول اريد انمذج بيت ... يعني اريد اصنع بيت وهيج شي ..

الأكساء : texture هو نشر اللون الطبيعي للمادة .. مثلا عندي طبلة خشبية ...
لازم اكسوها بصورة خشب حتى تاخذ نفس الطابع المادي للخشبة ...

الخامة : material هو نوع المادة .. يعني من اكول انو خامة هذا الجسم حديد ..
يعني يمتلك كل خواص الحديد .. من حواف وحدة وطبائع مثل الوزن واللمعان والقوة والصلادة ..

الأضاءة : lighting هذا مصطلح مفهوم .. بس هو ينذكر لانه
من العوامل المهمة جدا في عالم البعد الثالث .. وطبعا اكو الأضاءة الحارة ..
يعني لونها يكون لون حار من الأحمر ومشتقاته والأضاءة الباردة من الألوان
الباردة مثل الأزرق او الاخضر ... وهم ظل ناعم وظل حاد ووووو تفاصيلة
كثيرة ... على فكرة الأضاءة وحدها دولة ^_^ واكو ناس تتختص بالأضاءة ..

والكاميرا : camera .,,, مفهوم هذا ^_^ هي العين الأفتراضية الي نستخدمها
للنظر الى الموديل او الشكل الثلاثي ..

اكو عوالم داخلية .. مثل عالم البارتكل او النظام الجزيئي .. و عالم الريالتي
او محاكات القواى الطبيعية .. و عالم الأنميشن والفزيكل او عالم التحريك
والربط الطبيعي للقوى الداخلية .. ووووو كثير ...


اتمنى انو ما طولت عليكم ..
واتمنى انو المعلومات تنال اعجابكم ..

تحياتي شباب ^_^

[محمد العطواني]

[الجنرال]

تسلم ايدك محمد ^_^

[كان فتى...]

معلومات جميلة