مــحــاورة حـبـيـبـين
( بــعــــنـــــوان )
صـــــارحتـــهـــا
هي
صارحتها وكالـت انته نفس اخوي
صارحتها وكـــالت انه اكبر عمر
صارحتها وكالت الحــــب عذاب
صارحتها وكالت انطيــــني شهر
بين ما فكر وعرفن كلــــــشي بيك
وبين ماعــرفن عـلي شنـهو انستر
لازم اخــــتــــار الذهب مو فضة لا
بس اخـــاف الذهب هم يطلع صفر
انه اعــــــرفن بالعشك شكد فصول
بيهه شـــــــوك ومحنه وضيم وقهر
وبيهه ذاك العشك ماصار النصيب
وبيــــــهه ذاك العشك وتالي هجر
هو
بالعشك كلمة احبج من اكول
تبقه الافراح علي تمطر مطر
العشك كله حلوو ما بي شكوك
العشك احساس ما يعرف عمر
العشك بي زائد و يجمع كلوب
العشك عصفور ميطيح بحجر
هي
انه حبيتك صدك يابن الاصول
انه حـبيتك واريـدن نـسـتـمـــر
انه حبيتك واريدك ما تخـــــون
اني وانته احله من كل البــشـــر
وافــقت غـصبا عليه؟ وارد اكول
انــه ربـحـانـه الـعشك بـيك افـتـخر
الــشـاعــر احــمـد الـشـمـري
رد مع اقتباس