يا امل كل حاير بهذا الزمان
باعوا الدنيه بمتاع الاخره
مولدك نور وكشف ستر الضلام
ويا ارض تكدر تعيش ابلا امل
خضَّرت بسمه على اشفاف الحياة
يوم صبحك لاح واليأس انقتل
رجّعتنه اسنين لايام الشباب
وصار ممكن كلشي عدنه و محتمل
يا امل صبحك غرس بينه الامان
وعدنه من اجديد نكتبلك غزل
خوفنه اعله الدين يبن الطيبين
وانتهينه من الوساوس والقلق
جيتك بشعبان بلسم للجراح
لامجرد يضل حبر اعله الورق
فوضـــك تحميـــه مـن العابثيــن
وَصّفه للاسلام من رب الفلق
يا امل بشرت بيك الانبياء
بكل صلابه وكامل اسباب الالق
واخذوا اعلينه العهد بالالتزام
والائمه بفضل نورك بشرت
يا امل بكلوبنه تمسي وتبات لــون
بالعـــولمه النــاس اتـاثـرت
ابمنهجك مولاي نبقه سائرين
مهما طالت غيبتك وتاخرت
يا امل ما غيبك رب العباد
لو علينه الدنيه كلهه اتامرت
تدري بحبابك تضل اعله الثبات
لون يعلم ينحرف بينه الطريق
الينقتل منهم ومنهم ينسجن
صلبه مثل الماس واصفه من العقيق
منهــم اليتعـــرض النـار الحريق
يا لثــــار اللّـه ننتظـرك تصيح
واشتهوا يمك يشربون الرحيـــــق
انزفنه دم ودموع من بعد الحسين
يا امل ينعم العالم بالسلام
وامتك والدين حل بيهه الخطر
اتشوهت صورة جميع المسلمين
والتعامل صار وياهه ابحذر
الحرب ابن لادن يقرعون الطبول
وعلى الزرقاوي يعزفون الوتر
واحنه ندري بخوفهم سيدي منين
ونعرف المقصود يا هل منتظر
يا امل واشكد الك بينه اشتياق
ابكبر هاي الغيبه لو صح الوصف
حلم تتكحل العين بشوفتك
وحلم يشملنه يمهدينه اللطف
مثل ماي ابملح وتذوبه السنين
اشلون عن احبابك اتغض الطرف
يا امل مااريد اكثر بالعتاب
انت موعايز وازيدك اسئلـــه
تختلج بالنفس وتلح الامور
وكون احط ايدي اعله هاي الدنبله
الكوفه من اجديد خايفهه تعود
لاكن بوضع العرب متمثلـــــــه
فضلت ذل القعود اعله الجهاد
ومن ثوابتهه اصبحت متنصله
يا امل نشتاك حقنه للخلاص
يا مخلصنه اشبعد حاجينـــــه
استضعفتنه الناس واحنه صابرين
ولجـل عينـك لسـه مـا ردينــه
وتنتـفـض ركبتنــه عالسجّين
انريــد يــوم يبجـي المبجينــه
يـــا امــل وبشــاربك هـذا العـراق
وهاي كلمه اجبيره يبن العسكري
اتسللت لّيه الركط من كل مجان
وبؤره صار الكل لقيط ومفتري
وانت ما يرضيك يا شبل الرسول
تنتهك حرمة امامي وجعفري
سيف ذو الفقار هسه ابيمنتك
وذوله عباد العجل والسامري
يا امل نترك بلدنه للشتات ؟
ولاجئين انسيح بعتاب الدول
نترك القران ونحط الصليب
حتى نكدر نغنم بفرصة عمل
يا امل ما نكدر انعوف العراق
ايضيع منه اسلامنه ونصبح حلل
امجاورين حسين يا شبل الحسين
وعن جوار احسين ما النه بدل
رد مع اقتباس
المشاركة الأصلية كتبت بواسطة اسرار بلا عنوان
