هنا

[محمد غازي]

السلام عليكم
سألت حيدر من اهالي الغراف عن بيت شعري لاكاتبه ولاقاري من احد كلي اسمع قصتي لعد:
اني كنت اداوم علوم فيزياء بجامعة الانبار شدت انتباهي بنية واكثر ما عجبني بيهه العفه والوثوق بالنفس والشخصية القويه وحتى لبسهه مهيوب وصلت بيه المرحله انه لازم اخطبهه بس غير اعرف هي مستعده لهذا الشي فكان موضع اسراري صديقي من الانبار واسمه علي كَلي اني اخوك واساعدك وياك بكل شي فبما انه هي عفيفه جدا وكانت هيبتهه تمنعني احجي قررنه نبعثلهه وحده من الاخوات وكانت المفاجئه !!! البنيه هم منعجبه بأدب حيدر واتزانه ... وبعد ما اتفقنه صرنه نلتقي بين المحاضرات فكلي علي : حيدر هاي البنيه من العشيرة الفلانيه واكو ولد بالجامعه من منطقتهم ويعرفوهه وديراقبوكم لازم منستهين لان في سنة 2000 قتلوا طالب اردني لان كانت عنده علاقه ويه وحده بمنطقتهم ومن عشيرتهم ... فصار اللقاء لو بالدرج على السرعه لو ويه جماعه يعني مو وحدهم .... لحد فد مره كلي علي حيدر انت راح تنتقل الى بغداد وبيتكم بالناصريه اهل البنيه اني متاكد مراح يوافقون ولتنسه الامور المذهبيه لان اكو ناس تهتم بهيج شي حيدر انت اخويه وتعرفني شكد احبك بس هذا الحب مو مثمر وانت بعدك مرحله اولى ....كانت هاي بمثابت صفعة الاستيقاض من الحلم الجميل ...فدزينه نفس البنيه وطلبنه منهه تشرح الوضع المؤلم حقيقتاً وبالفعل بس هي ردت برد ما انسا ابد كالت (اذا هو موكد الحجي ليش يحجي) طبعاً طعنتني بكرامتي وفعلا تركت الحلم وانتقلت الى بغداد وكلما اشوف بنيه اذكرهه واكول لا هي احلى من هاي وخليت هذا البيت ابو ذيه ابالي سر وراح اكوله الك:

واسمه وحق اللي خلق بر وبحر واسمه
رسمه بوسط القلب ماينمحي وسمه
محتار شرد اوصفه يا سامعي وإسمه
ابد مابي حروف الابجديــــــــــــــــه
هذا والله لايبتليكم بهذا البلاء والشكر الجزيل

[بركان حبك ياعلي]

شكرا عالقصه بس اعتقد لازم تكون بغير قسم