ثبت علمياً ان احنا و الرجاله عندنا اختلاف كبير فى طريقه الكلام و الاستماع , احنا ممكن يبقى عندنا مشكله عارفين حلها او حلينها خلاص بس عاوزين نكلم فيها و ده بيرجع لحاجتنا للاهتمام و الدلع احنا بنحب كده و ده حقنا معندناش مشكله نستحمل بس عاوزين اللى يهون علينا و يسمعنا شويه و احنا هنكمل
الرجاله العكس تماما لو عندهم مشكله بيسكوتوا و يفكروا فى حل رأيهم ان كده احسن عشان كده بنفتكرهم كتومين و مش بيحبوا يشاركوا
طب ليه بيكلموا مع صحابهم الرجاله ؟ لان الراجل مش بيحب ياخد نصايح من شريكته لانه المفروض الطرف الاقوى و ده حقه و الاسوء من كده لو بدأت تفرض رأيها او تديله نصيحه باسلوب
مش حلو حتى لو نصيحه صح عمره ما هيتقبلها لو طريقة الكلام معجبتوش اسمعيه للاخر خالص و بينى تعاطفك مع مشكلته و قولى نص الاقتراح اللى عندك و سيبيه هو يكمل
حددى الوقت اللى هتتكلمى فيه معاه , يعنى ميبقاش لسه راجع من الشغل و تطلبى منه ينزل يجيب حاجه او ماديات مش هيبص فى وشك بقيت اليوم
او مثلاً مشغول بيعمل حاجه او تعبان و تتطلبى منه طلب مستفز بالنسبه له مش هيرضى و هتقلب بخناقه
حددى المكان متطلبيش منه حاجه او تحرجيه قدام حد مش هيحب يروح معاكى مكان تانى و ممكن اوضة النوم بعد ال**** مزاجه هيبقى حلو
بس لو كل مره هيقول عليكى استغلاليه و هيتخنق منك …على السفره لو بياكل اكله هو بيحبها و طعمها حلو 75% هيوافق و العكس صحيح
ابعدى تماماً عن اسلوب الزن و الند بالند و العصبيه و الاوامر فى التعامل لانك هتوصلى للانتى عاوزاه بس بطريقه غير مُرضيه بمعنى انه هيوافق على كل طلباتك بعد كده بدون تفكير لانه كره الكلام معاكى
و هيموت الحوار مابينكوا تماماً خليكى صبوره و هاديه مهما كان صعب فى التعامل لان دى من اهم اساسيات نجاح العلاقه
رد مع اقتباس
