يتامه ادموع عيني
ماي اتنطرک مر بيّه رشـّـــة غيـــم
صبخت گاع شفتي وذابل المبســـــم
ولو حتی بحلم مرروحي هبّة ريـــح
حتی احضن خيالک وبهواک اشـــتم
کلمه اباب وجهي اتاني بس ملگاک
عثـــرت بالدمـــــع واحساسـها اتألّم
ورجعت للـصدر خانگها حـــبل الآه
لحد هسه ال ( احبک) بيّه تنزف دم
خلاني العشـــــگ خشبه ابگلب تنـور
گبل اموادعک بيّــه الصــــــــبر چيّم
إذا یطلع فجر تگعد بروحـــي احزان
وإذا غابت شـــــمس بعیونی ینزل هم
چنت اتنطرک واهـــــــس طفل للعيد
کاشــــــــــــخ بالجرح واشفافه تتبسّم
يلچمني الشـــعر لو گلّي ولفک ويــن؟
اصفن وبجوابــــي الســــــــاني يتلعثم
ها !..ولفي يجي .ها.! باچر ايـمر گال
وتظل روس الســــــــوالف بيّه تتردّم
يتـّمت الدمــــــــــع من موتيت العين
ظّلت عالوجــــــــه دمــــــعات إلمتيّم
تدعي ابکل صبح لو مر جرح ذکراک
الهـــــــــــي اليتمــــــانه ادموعه تتيتّم
رد مع اقتباس
