گمر الاداب
يبو عيون ابجمالك حايرة كل الطلاب
واني اول شخص بالكون حبيتك
تتباهة بجمالك جامعة تكريت
تاخذلك تحية اقسام كليتك
من تجي بعيونك واني اردلك بالعين
هاي اول اشارة وبيها دليتك
مرات ارد اعوفك لاكن امن اتروح
اظل واكف بدرب الرجعة تانيتك
صح انته حلو ومتكبر ومغرور
لاتثكل علي كافي انهجم بيتك
موذاب الگلب ووصلت حد الموت
واني اهلي وعمامي ابكتلي باليتك
يالشالك ثولني ولعب بية العوب
خبلني بالوانة وحرت من جيتك
كلهة مكبلة ومرتاحة هالطلاب
وانة ابلاگلب وانتظر برقيتك
من يوم العرفتك اعلنت اضراب
ازعل الدنيا كلهة وانتة راضيتك
يادكتور گلبي وياعميد الروح
انت استاذ عيني وصدري كليتك
أغار من الوگف وياك لو لحظات
ومن كد ماغار اعذرني سبيتك
يالمنور العمادة وسنتر العشاك
ارجف وارتبك لو مره لاكيتك
اكوم اقرة شعر وبين هالطلاب
ريتك تفتهم يامنيتي ريتك
اجيتك ارد اصارح واكشف المستور
اريد اعرف يغالي شنهي تاليتك
يبو عيون الشعر ماوصفك جذاب
احليو انتة وگمر الاداب سميتك
احبك وهذا طبعي ما اضم اعليك
واعلنهة للناس اليوم حبيتك
اجيتك والخجل بية والاداب
حبيبي وجدمي يم غيرك ولاداب
تسوا الجامعة كلهة والاداب
والك كل الزلم تاخذ تحية
الشاعر طارق العيطو
رد مع اقتباس
المشاركة الأصلية كتبت بواسطة ڎﮗـرَيآتَ آلَـمَـ ـآضَي
