خليني دمع مااصير ابد ضحكات
وعندي اسباب مااصيرن تخليني
اولهه الفرح كاتب علي ممنوع
وثانيهه الحزن كاسر فرح عيني
وثالثهه الفقر عرّاب هالاسباب
ومن العوز ما فرغت دواويني
واتريد ابتسم واضحك چذب للناس
وهاذي مو صفاتي وانته تدريني
ناضج بالحزن خطيّت التلاثين
واثياب الفرح ما ظنهه تغريني
وضايع من زمن ما عندي بس عنوان
بعيون اليتامة شوف تلگيني
ولأن كنز القناعه مو شرط بالمال
بس ورقة وقلم مرّات تكفيني
ولاجيء للشعر من حيث ماكوا اوطان
تسمع فكرتي وانسان تحويني
وغني وابقه الغني بس بالشعر لاغير
وثورات احتراقي لي كنـز واقنع
لأن عندي القصيدة كالملح والزاد
ما ملهه ولا فد يوم منه اشبع
وشاعر داخلي لو جاع تالي الليل
ياكل بالحروف ويشرب المطلع !!!
وقافيته صغت من قاع هالحرمان
بقلم الشاعر :: -#((( أبو مروان )))#-
رد مع اقتباس
المشاركة الأصلية كتبت بواسطة اسرار بلا عنوان
