على العباس شكتب رايد اجواب
عباس ابصفاتة الغيرة معروفة
اكتب على النبلة الاجت وسط العين
لو اكتب اشلون مكطعة اجفوفة
ًًًًًًًًًًًًًًًًًًًًـــــ ـــــــــــــــــــــــــ ــــــــــــــــــ
شرد اوصفك ياكمر هاشم شكول
منهو مثلك عالنهر وحدة حمل
ومن جبت زينب لعد ارض الطفوف
امدنك انتة الراس من تحجي ابخجل
ابد ماكلتلها خوية مستحيل
اتكلها مولاتي يبت خير العمل
بالحرب سيفك شهد ماداعي اكول
افتخر صرت انة بيد ابن البطل
هذا مو اني الكلت لا مستحيل
لقلم هوة الذي السيفك سئل
القلم ضل صافن اشيكتب عليك
وياصفة البيهن الك صارت حلل
انتة للحوراء مو بس الكفيل
وصعبة عالحوراء لو غيرك كفل
الرابع ابشعبان حيدر وصة بيك
وكال في هذا الفتى انقاس المثل
قبل اجفوفك علي حامي الدخيل
والدمع من حيدرة ابجفك نزل
كال في طف كربلة ينطي الجفوف
وكال بزنزودة ترى الراية حمل
كال بيدة الجودمضروب ابسهام
يمحي ذنب الكاع بالماي وغسل
وكال ضل ايكول عن ارض الطفوف
يروي ضل حيدر سوالف عالبطل
اشلون صوب المشرعة يحصد جيوش
اشلون بالطف يرتجز ينكط عسل
اشلون من اتصول والسيف اباديك
اشلون بالش بالعدة ابذاك القتل
ـــــــــــــــــــــــــ ــــــــــــــــ
وحك عباس وجفوفة وجودة
مكانك بالكلب باقي وجودة
الينكرك ياكمر انكر وجودة
والعن بيه كل صبح ومسية
رد مع اقتباس
