حجيك نعم بالهمس . . . و نضرات عينــــــــــــــــك درس
بالنضره اذوبن شمع . . . قيـــــــــــس شيسوي اللمس
طولك اقيسه بــــفكر . . . و انطــــــي اليــــــشوفك عذر
يشيل الثلج و الجمر . . . و يـــــــبجي الزمن و الـــــــعمر
ساعات الك ينتضر و يذوب لمن تجي و يطيح لمن تــمر
الوجنه اشك عاكسه . . . و صح من اشـــــك العــــكس
شمس الله تعكس الك . . لو تعكـــــــس عله الشمس
شايــل حضاره الرمش . . . منقوشه بأجـــــــمل نقش
ما تعبت هدهدك رمشـــــك حبيـــــــــبي عــــــــــــرش
شاشة عرض ركبتك . . . و اســـــــــتديو في جبهـــتك
حصريا على الوجه . . . ربــــــــــــــك خلق شفتـــــــك
عطشــان و انته نهر. . . فرصــــه و اجت يا خــــــــــطر
اتيمم بيـــــــا شرع . . . و المـــــاي يـــــــمي حـــــضر
بعيوني اشوفك ضوى . . .و المـــــــــــاي و انته سوى
لاتكطع بجيتك . . . تكطـــــــع عليـــــــه الــــــــــــهوى
الســـــوك عزل شلع . . . و النـــــاس تدفع دفـــــــــع
تسودن بشوفتـــــــــــك . . . لا تــــــطلعلهم دلـــــــع
جسر الحواجـــــــــب يزف....... بين الزلف و الزلــــــف
عريس لــــــــــــــيلك نزل . . . باس الصبح عل الجتف
اليشكل عليه الوصف. . . بسكتـــــــه ودوا الــــــــــي
خاف الزمن يسمعــــه . . . و يرجع زمن جاهلــــــــي
شاركني فدوه بشغل . . . ما تخــــــــسر بشركتــــك
كل الخســــــاره علي . . . و الربـــح كلـــــــه الـــــــك
محبوبي اذا سولفت . . . بالروح مدري شــــــــــحس
صدكنـــــــي بداخلي . . . تصير الفواتـــــــح عــــــرس
بجايك شكر ما احط . . . حط اصــــبعك مو ســــــــهو
و عاتبني اذا مكلت . . . جايــــك حبيبــــــــي حلــــو
الشاعر/ريــــــــــــاض الحـــــــــــــار
رد مع اقتباس
