هاي فرحة زينب وحامي الحميه
مولد العبــــــــاس نور الهاشميه
والحسن وحسين
بيه تكَـــــر العين
مولد العبـــــــاس نور الهاشميه
*************
ياوليد اللي جمــــــــــع نور الامامه
ورسم فوك اشفــافهم احلى ابتسامه
شكَد عظيم الشان شن هاي الكرامه
اية تحجي الزود في اول كلامه
بالمهد وعيونه تحجي وي اخيه
فدوه الك هالعين ياشبل الزجيه
وصاحب الجفين
بيه تكـَـــر العين
مولد العباس نور الهاشميه
**************
صلت الكونين في محــــراب عينه
ودنكت شمس السماء الضي جبينه
قبلت مهده وتوضــــــت من حنينه
حين شافت حيـــــــدره يقبل ادينه
دركت الدنيا دلالات القضيه
حيدر الكرار انطاه بالوصيه
توجه للـــــدين
وبيه تكر العين
مولد العباس نور الهاشميه
*************
ولو شفت بدر السمه الليله بتمامه
كَول هذا النور عبـــــاس الشهامه
وحاطته الحوراء بحجاب الكرامه
والنجوم دموع فــــرحتها بسلامه
سلّمه الكرار لجفـــوف العقيله
وباجر جفوفه البطل بيها جفيله
الها يوفي الدين
وبيه تكَر العين
مولد العباس نور الهاشميه
*************
مو عجيبه هالبطل يرفض مهاده
ومايلفـــه اكماط في يوم الولاده
الاسد مــــايرضه بلجام الاراده
وله من يوم المهــد أرث القياده
هذا امـــــــــــــه الرائده ام البنين
من سجد الها الوفه وامسى قرين
غذته ونعمين
بيه تكَر العين
مولد العباس نور الهاشميه
**************
وبعد ماناسين من تحضر فرحنه
بمولد العبــــــاس مو هذا عهدنه
من البقيع اتعــــــنت الليله لملنه
تكله يبنــي مولدك اسعد مهجنه
حاضره ام احسين والزهره الوديعه
قدمو الهــــــــــــــا التهاني هايشيعه
ابوفه الطيبين
بيه تكَر العين
مولد العباس نور الهاشميه
رد مع اقتباس
المشاركة الأصلية كتبت بواسطة أحمد البغدادي
