اجيت البيتكم
اجيت لبيتكم والكيته اظلم ليل
دنيه بلاشمس يعني الكمر مهجور
ضاكت بييه روحي وصرت الك اشتاك
مثل عين الضرير الفاركاهه النور
عندي الساعه صارت تنحسب ايام
والايام صارت تنحسبلي شهور
كلبي يدور ... جن واحد ظلم محبوس
يهز قضبان صدري ويرد بيها يدور
هذا الجور ..منك ماشفت بس جور
تزعل مدري ترحل وانه اظل مقهور
حرت انت بعذابي اتفننت واقسيت
بس مجبور احبك والله لك مجبور
طيور إلهامي كلهه تريد تبقه وياك
ياقاسي الكلب هم تصلب انت طيور ؟
عتب وياك عندي هواي شلت اعتاب
أسال من جذب وك لا تظل مغرور
كاعد وانتظر طيفك يمر خطار
كاعد وانتظرغيثك يطفي النار
وانت حجار .. ماتسأل علي وتكول
ولو عادي ولك مايحجي ابد الحجار
دمعة عين منك مابجيت بيوم ؟
عندي وياك يمكن مية الف تذكار
اريد اعتب ولك وانه الصدك محتار
كلي منين ابدي ويا مكان اختار
تعال ارجع الي ونسولف انه وياك
صدكني بغيابك بيه كلشي انهار
احس بكليبي كسر كل ضلع موجود
وطار من السجن وادخيل يمك صار
رد مع اقتباس
المشاركة الأصلية كتبت بواسطة اسرار بلا عنوان
