وينك يا فرح
وينك يا فرح شــــو غايـــب من سنــين ... ناسي تمر علي لــــو تيهت بيتي
ادور اعليك لكن تعبي نفــخه بريـــــــح ... مثل ما رحتي تيـتي ..تيتي رديتي
شكثر سألــــوني عنك والجـــواب يكون ... زاعلني الفرح من عرف جنسيتي
من شهادة مولدي نزلوها تعزيتــي
عجاف سنين عمري وما حضرها الغيث ... بقت تاكــلني حدما خــذت عافيتي
و لأن احچي الصــــدگ والزمن للچــذاب ... صفت من الكفخ مزروفه طـاگيتي
يدنيه لغيـــــري انـتِ بلا وجـــع تنــــطين ... عني شبيها ايدچ كـــظه كظــيتي
ردت بس صم فــرح شايلتهه من تلــفين ... هل عشـــرة محرم علي هلـــيتي
لچن ما تـــخله ايــــدچ و الصدگ ينــگال ... ترس جفچ حزن يم بابي طشيتي
صيفچ بس علي يا دنــيه شنــــهو يصير ... لو بالغلط مـره بگيــظي شـــتيتي
بابچ للـــــــخلگ مفـــــتوح مصراعــــيه ... ليش بوجهي اذن هالـباب سديتي
يطشرني الوكــــت و ارجع المني بـــساع ... يعانـــدني بصلافه يعيد تشتـــيتي
اقشمر روحي اگلهه باچر تـــــــفرحــــين ... يجي باچر اشو يا فرحه ما جيتي
اجة باچر لچن يا فرحه ما جيتي
رد مع اقتباس
المشاركة الأصلية كتبت بواسطة اسرار بلا عنوان
