لوحة من هذياني ....واحساس قلمي
بعد كل اعتذار وياي ميفيــــــــــــــــــد
خلص صبري وذنوبك كثـــــــــــرن وياي
..
شتظن كلمة الآسف تشفي الجروح؟
لو تمسح اخطائك واخذ من هـــــاي
..
قريتك صفحه صفحه اتمعنت بيــــــك..
ويا خاتم القصه التسوة دنيــــــــــاي..
..
كل جروحي منك تنزف اليــــــــــــوم
وكل تعبي التعبته وظيمك الجــــــاي
..
اشوفه يضيع كدامي وفلا احجــيت
واكولن فدوة خل يتدلل هـــــــــواي
..
بقيت احسب الك بجروحك وزيـــــن
تدري انتظر منك جيه لو جــــــــاي!!
..
عميت من السهر ماظل بعد شوف
واتنطر بعد من عندك هـــــــــــواي
..
اكلك كافي عاد وتبتسم ليـــــش؟؟
عطشان عله شوفك مو عطش ماي
..
انا افتقدك يغالي وانته ما جيــــــــت
ليش بفركتك اتشمت اعــــــــــداي
..
تدري بروحي خضره بحبــــــك تذوب
وخلصهه السهر جم دوب اظل حاي
..
يل صوتك مسيقى ويطرب الــــروح..
وماكلك حبيبي كتلك النــــــــــــاي
..
من شفتك شمس ماشفتك انجوم..
وشفت حر ورمل ماشفتك افيــــاي..
..
ليلي يمر ظهر ماشفت بي نـــــوم
ضاع العمر ماحصلت رجـــــــــــواي
..
عمر خلص سهر وجروح وآهـــــــات
انسبق حرمان كله وتعب بصبــــاي
..
تقدملنه اعتذارك..... مانقبله..
شتظن جفك نبوسه..مانقبله
تسأل منو القبله ..ماني قبله
ذاك اللي خذك من بين اديه
......................................الشمري
رد مع اقتباس
