مجرم :: الشاعر حسين الوائلي / واسط
مجرم جرح فركتك؟
حط بالة وية الدمع حد ما غليلة رتوة
بوم النويت الهجر دكيت عيني نهر تنزف دمع بالهوة
يوم الي جاسك برد صرت انة لجلك جمر تنفخ علي ريتك وتكلي ماكو هوة
تنطيني صح التمر وتريد مني نخل لكن تمر عشرتك ما شال همة نوة
شايب صفالي الجرح . كل ما اغصن يح.. ما يمض بيه الدوة
لا يستجن بالدوة مجرم جرح فركتك بيعني حتة الدوة
مجرم جرح فركتك شل حالي يوم الرحت
بجاني حد العمة ويكلي لا ما نحت
طاحن عيوني بدي ويكلي لا ما نحت
ذيب الهجر من اجة ترجيتة مابي رجة
كسر نيابة بدي ويكلي مالك صحت
مجرم جرح فركتك دك اعلة جفني وشم
ووحشم جروحي علي وجروحي فزعت زلم
تدري الكلب ينكسر ينكسر ما ينثلم
سلمتك انة الكلب وشنو علية حرب ومتاني منك حكم
وحكمك علي من اجة مظمونة جان الهجر
ما قدرت دمعتي وليل وي شامتي وحلوك تعلج خبر
يمكن نسيت المضة وغيري بعيونك حظة من عكب ذاك العمر
تطعن بظهري رمح وتوكف كبالي وكح وتكلي يلة نتجي ماشوف رمحي ظهر
ضحيت عمري الة ومن ابسط الامثلة يغفة اعلة طار الحلم وعيوني ملهة السهر
وياي لا استحي والناس ما تستحي وي غيري يحلة السمر
لا تدك باب الكلب من شفتك وي الغرب قفلت كل البوب
ماريدك انة بعد شككت كل القطع ماظل بعد محبوب
بس قطعة وحدة بقت مجرم جرح فركتك والمجرم المطلوب
مما راق لي
منقول من جريدة المنارة
رد مع اقتباس
المشاركة الأصلية كتبت بواسطة Snow Girl
