اراجع ياكلام يعجبك امنتفوت...
واصب بذنك كلام الماي بالجرة
ليش بلا ضمير تغيرت وشجاك
تغدرني وتخون وتكطع العشرة
شنهو المالكيتة وعندي ماموجود
لو قطرة الكرامة وطاحت القطرة ؟؟
تهجرني وتروح اتوسلك وتعود ..
استاذ بعذابي وتمتلك خبرة
من المفروض اخذ عبرة من الفات
بس اني غشيم وماخذت عبرة..
عد ماسولفت كلشي انه عشته وياك
والله الشـــفته منـــك ابــد مايـنــشاف
اسمع ضحكتك يافشلتي من الناس
ميصدكون اكلهم بــعد ولفــي يخاف
انه لفتحة سنيني احتاج مخيط زين
تطلع روحي عندي اللحضه ماتنراف
وماتدري بنظرتة الشامت من ابعيد
نظرة كاولي وتشوفه ناس اشراف
يالنسوك دمعي وضحكتي بمثقال
ماجنت انه بيهن ادري هيج خفاف
لو دمعي الذرفتة اعليك طب بالطين
جا هسه اني حافر مجره للغراف
رد مع اقتباس
المشاركة الأصلية كتبت بواسطة مرتضى الطيب
