هنا

[الشاعر رائـــــد الشمــري]

راح ارسم اللوحه البيهه اغلى انسان
واسولف عن صفات وما تملكه امي
ِِِِِِِِِِِِِِِِِِِِ
شفت كل الصور مطروقه من ازمان
القاريهن انا واللي انحجن يمي
ِِِِِِِِِِِِِِِِِِِِ
بس صافن واريدن اكتب باحساس
وهاكم هذا احساسي وحبر قلمي
ِِِِِِِِِِِِِِِِِِِِ
الله انطاني أم ماتنوصف هيهات
عدهه من الاصاله جلول شالتهه
ِِِِِِِِِِِِِِِِِِِِ
وعدهه من الصبر شكبنت مر عصور
وعدهه من المحنه اجيال حملتهه
ِِِِِِِِِِِِِِِِِِِِ
اهي نبع الحنان الروّه كل الناس
واليعطش محنه تشربه لمستهه
ِِِِِِِِِِِِِِِِِِِِ
وعدهه من الموده وطيب المروات
صرح عالي انبنه من فاطمه عدهه
ِِِِِِِِِِِِِِِِِِِِ
وعدهه من الكرامه مدرسة شجعان
فيض من العلم ينقره بشوفتهه
ِِِِِِِِِِِِِِِِِِِِ
ماي الوجه بيهه انعرف وبعز دوم
اخذنه المرجله من عطر شيلتهه
ِِِِِِِِِِِِِِِِِِِِ
وعدهه من المناهج لليريد يصير
تدرسه ويفتهم بس من اشارتهه
ِِِِِِِِِِِِِِِِِِِِ
مر بيهه حزن ماشايله انسان
تظمه بببسمه متراويه لخلفتهه
ِِِِِِِِِِِِِِِِِِِِ
اخذ هيجي بشر يصبر لعند الظيم
يعني الظيم نفسه استحه من عدهه
ِِِِِِِِِِِِِِِِِِِِ
لذلك الهه بصمه وبمعاني الطيب
وربك لمن وصّه شلون وصفهه
ِِِِِِِِِِِِِِِِِِِِ
خله اعظم مثال بفاطمه الزهراء(ع)
وحط ام البنين بصبر واسعفهه
ِِِِِِِِِِِِِِِِِِِِ
اذا جنه تحت رجليهه ربك كال
ومقابيله تواضع ربك انصفهه
ِِِِِِِِِِِِِِِِِِِِ
من نكعد نوصف خلي ننصف دوم
واني اتحدى واحد كدر يوصفهه
عدى ربك ابد محد يوصفهه
ِِِِِِِِِِِِِِِِِِِِ
عجز وصّل بقلمي..من وصفج
لأن يعجز العالم....منه وصفج
احس بروحي تبرد..من اوصفج
كلب بي نار وترشّه بمّيه
.....................

[احمدالبغدادي]

[علي الازيرجاوي]

امي يا امي يبت اهلي الجبير
امي بالماعون لو مدت الايد
نعمت الله تفيض بأكتار الصحن

...........................
كلمـاتك اروع من الخيــ/ــال

[الشاعر رائـــــد الشمــري]

مروركم هو الاروع اعزائي الغالين