هنا

[قيس عبد حمدان]

• ذاك الصوب يوكف من تجي بهالصوب
  وهذا الصوب يوكف مـــــــــــــــــن تمر بذاك
  غيرك مـــــن يطب للسوك مامرغوب
  بس انت شحلاتك مــــــــن تطب للسوك
  تاخــــذنه اعله كيفك وانت كيفك ماي
  والماي اعله كيفك لـــــــــوتبده يلوك
  من كـــد ما حلو تلزك كمت عالكاع
  ونشلعـــك بدينه وتطلـــــع النه عروك
  من ابعيد نشتم ريحتك لـــــو جيت
  ونحن لهـــــــــواك ؟ الماتحنه النوك
  ترضاها بهـــــــواك نعيش مضنوكين
  ونجيب السنين اعلــــــــه السنين طلوك
  شرط الضوك لازم نشتري من تبيع
  عمي لخاطــــر الله نريـــد بس نضوك
  فقره والحكومة مغلسه صار سنين
  تطينه برضاتك لـــــــــو نظل انبوك
  جاوين النزاهة البيك لــــو مريت
  ناخــــــــــذ من قميصك كبل جنه علوك
  يالحكـــــــك علينه نموت كــــــون تريد
  هــــم النه اعله طولك مـــــن تمر حكوك
  انفـــــــك حلوكنه ونترسها بس اتراب
  تالي نرد لهلنه وماكــــو عدنه حلوك

[النقيب]

كلمات جميله ورائعه
شكرا لك

[احمدالبغدادي]