- انطيني ايدك بعدني لهسه مشتاك
بلكت من الزمك روحي ترتاح
انا من تعوفني انذل مثل طير
يريد يطير لاكن فاكد جناح
تجي والساعه تاكل موعد وياك
واحس ميل الثواني جنه تمساح
... انا سنيني العشتهن ذني الوياك
اللي بدونك عليه يمرن شباح
ضكت عمري الوياك وركزت بيه
وبجيت وكمت احس بطيبت الراح
من تكلي رايح يصمت الليل
وعليك بين روحي تسمع صياح
انا احبك بكد ما خايف تروح
اذا لاسامح الله تبعد شراح
اسوي واني وحدي من يمر يوم
الدمع بخدودي احسه ينبت رماح
جفي لاتهده اني اوصيك
كلش لاتهده الا اذا طاح
كلمات جميله ورائعه
شكرا لك
حلووو عاشت ايدك
بس شويه السبك ينرادلك بعد تختار مفردات اقوى
تقبل مروري اخ قيس الطيب
عزيزي نورت القسم بمواضيعك الجميله
شكرا والف شكرا
اخ رائد هذا الشعر الى الرائع ايهاب المالكي مو الي شكرا لك ياورد اتمنالك التالق
تسلم انت والمبدع استاذ ايهاب بس النقل مو صحيح اكو اخطاء املائيه
... انا سنيني العشتهن ذني الوياك
اللي بدونك عليه يمرن شباح
...................................
من تكلي رايح يصمت الليل
وعليك بين روحي تسمع صياح
............................................
ارجوك تقبلني لانها مو من صالح الشعر
الله الله
كلمات روعة
عاشت الايادي
مودتي
شكرآأ لك
شكرالك
رد مع اقتباس